Навіны

09.01.2015

Суд пастанавіў канфіскаваць у кнігарні “ЛогвінаЎ” 961 мільён рублёў «незаконнага прыбытку»

Эканамічны суд г. Мінска пастанавіў спагнаць з прыватнай кнігарні “ЛогвінаЎ” штраф у памеры 30 базавых велічыняў і канфіскаваць “незаконна атрыманы прыбытак” – 961 мільён рублёў.

23.12.2014

ГА “БАЖ” звярнулася ў Генпракуратуру, упраўленне “К” і ААЦ з нагоды блакавання шэрагу сайтаў

22 снежня гэтым ведамствам накіравалі афіцыйныя лісты за подпісам старшыні ГА "БАЖ" Жанны Літвіной. Арганізацыя патрабуе разблакаваць сайты, высветліць і пакараць вінаватых у парушэнні шэрагу артыкулаў Канстытуцыі, Крымінальнага і Адміністрацыйнага кодэксаў.

22.12.2014

Заява ГА “Беларуская асацыяцыя журналістаў” з нагоды масавай блакіроўкі сайтаў

Пачынаючы з 19 снежня некалькі інфармацыйных інтэрнэт-рэсурсаў у Рэспубліцы Беларусь падвергліся блакіроўцы. Большасць з іх застаецца недаступнай на тэрыторыі краіны па сённяшні дзень. У прыватнасці, без тлумачэння прычын быў абмежаваны доступ карыстальнікаў да сайтаў belapan.com і belapan.by, naviny.by, belaruspartisan.org, charter97.org, udf.by, 21.by, gazetaby.com, zautra.by.

17.12.2014

Паўла Левінава аштрафавалі на 25 базавых (ДАПОЎНЕНА)

Разгляд адміністрацыйнай справы сёмага ўдзельніка «фотасесіі з птушкамі і клеткамі» скончыўся 17 снежня ў судзе Чыгуначнага раёна Віцебска. Суддзя Алена Цыганкова прызнала яго вінаватым у парушэнні парадку арганізацыі альбо правядзення масавых мерапрыемстваў (арт. 23.34 КаАП).

16.12.2014

Гродна: касацыйныя скаргі Вольгі Крапоцінай і Уладзіміра Хільмановіча не задаволены

16 снежня ў Гродзенскім абласным судзе прайшоў разгляд касацыйных скаргаў грамадскай актывісткі Вольгі Крапоцінай і праваабаронцы і публіцыста Уладзіміра Хільмановіча.

03.12.2014

За ўдзел у фотасесіі "З птушкамі і клеткамі" – трое сутак пад арыштам

3-га снежня суддзя Чыгуначнага райсуда Віцебска Алена Цыганкова пакарала трыма суткамі арышту жыхара Віцебска Пятра Бярлінава. Яна прызнала яго вінаватым у парушэнні заканадаўства аб масавых мерапрыемствах, як і іншых удзельнікаў фотасесіі на фоне графіці, намаляванага на сцяне былога раённага Дома культуры на вуліцы Ільінскага ў Віцебску. Гэтыя суткі ён ужо адбыў за кратамі з моманту затрымання да суда.

01.12.2014

Кастусю Мардзвінцаву – штраф 20 базавых, Таццяне Севярынец – 25

Яшчэ двое ўдзельнікаў віцебскай фотасесіі аштрафаваныя.

28.11.2014

Удзельнікаў журналісцкай фотасесіі ў Віцебску аштрафавалі

Зміцер Казакевіч і Алена Сцяпанава атрымалі штрафы ў 20 базавых велічыняў кожны (3 млн бел. рублёў), а Алена Шабуня - 18 базавых за парушэнне арт. 23.34 КаАП (парушэнне парадку арганізацыі альбо правядзення масавых мерапрыемстваў).

27.11.2014

“Хіба гэта злачынства?”

Еўрапейскія журналісты ў Бруселі на знак салідарнасці паўтарылі фотасесію сваіх калег з Віцебска, якіх збіраюцца судзіць за “несанкцыянаваную акцыю”.

26.11.2014

Адкрыты ліст ЕФЖ і ГА «БАЖ» у cувязі з пераследам віцебскіх калег

Напярэдадні 5 лістапада, Сусветнага дня “Станем за журналістыку”, група віцебскіх сябраў ГА “БАЖ” сфатаграфавалася на фоне будынка з вядомым гарадскім графіці – выявамі клетак, з якіх вылятаюць зробленыя з газеты птушкі. Цяпер удзельнікаў фотасесіі выклікаюць у Чыгуначны РАУС Віцебска, складаюць пратаколы за ўдзел у несанкцыянаванай акцыі (арт. 23.34 КаАП) і збіраюцца судзіць. Еўрапейская федэрацыя журналістаў і яе сябра – ГА “Беларуская асацыяцыя журналістаў” – лічаць абсурднымі выстаўленыя віцебскім калегам абвінавачанні.

18.11.2014

Раздачу ўлётак суд палічыў “парушэннем закона аб СМІ” (АБНОЎЛЕНА)

Гродзенскую актывістку Вольгу Крапоціну аштрафавалі на 30 базавых велічыняў паводле арт. 22.9 ч.2 КаАП.