Мінск

 Пракурор запатрабаваў для журналіста Галко тры гады пазбаўлення волі
16.07.2018

Журналіст Дзмітрый Галко: "Я шакаваны запытам пракурора"

Дзяржабвінаваўца запатрабаў для журналіста Дзмітрыя Галко, які абвінавачваецца ў гвалце ў дачыненні да супрацоўніка органаў унутраных спраў, 3 гады пазбаўлення волі. Прысуд будзе агучаны 17 ліпеня.

У Мінску судзяць журналіста БелаПАН Андрэя Шаўлюгу АБНАЎЛЯЕЦЦА
29.06.2018

Пасля сутак за кратамі журналіста Андрэя Шаўлюгу аштрафавалі на 3 базавыя велічыні

Пазаштатнага фотажурналіста БелаПАН Андрэя Шаўлюгу, які асьвятляў акцыю, суд Першамайскага раёну аштрафаваў на 73 рублі 50 капеек (тры базавыя велічыні) за «непадпарадкаваньне праваахоўнікам».

Журналіста БелаПАН затрымалі падчас акцыі ў падтрымку ЛГБТ
28.06.2018

Журналіста БелаПАН затрымалі падчас акцыі ў Мінску, ноч ён правядзе ў міліцыі

Пазаштатны карэспандэнт агенцтва БелаПАН Андрэй Шаўлюга быў затрыманы сёння каля будынка Міністэрства ўнутраных справаў. Каля 16:00 ён фатаграфаваў акцыю ў падтрымку ЛГБТ-супольнасці.

Крымінальную справу журналіста Зьмітра Галко перадалі ў суд
20.06.2018

Крымінальную справу журналіста Зьмітра Галко перадалі ў суд

Арыштаваны Зьміцер Галко завяршыў знаёмства з крымінальнай справай, паводле якой ён абвінавачваецца ў гвалтоўных дзеяньнях да супрацоўніка міліцыі.

 ДФР КДК: Кіраўнік агенцтва БелаПАН падазраецца ва ўхіленні ад выплаты падаткаў
14.06.2018

ДФР: Кіраўніка агенцтва БелаПАН падазраюць ва ўхіленні ад выплаты падаткаў у асабліва буйным памеры

Кіраўнік беларускага незалежнага інфармацыйнага агенцтва БелаПАН Алесь Ліпай падазраецца ва ўхіленні ад выплаты падаткаў. Пра гэта Tut.by паведаміў афіцыйны прадстаўнік Дэпартамента фінансавых расследаванняў Камітэта дзяржкантролю Беларусі Юрый Кардымон.

У кватэры кіраўніка інфармацыйнай кампаніі БелаПАН Алеся Ліпая адбыўся ператрус. Ліпая павезлі ў ДФР на допыт
14.06.2018

У кватэры кіраўніка БелаПАН адбыўся ператрус. Алеся Ліпая павезлі на допыт у ДФР

Следчыя дзеянні праводзіць Дэпартамент фінансавых расследаванняў Камітэта дзяржаўнага кантролю.

Вярхоўны суд пакінуў у сіле прысуд аўтарам Regnum, асуджаным за распальванне нацыянальнай варожасці
14.06.2018

Вярхоўны суд пакінуў у сіле прысуд аўтарам Regnum, асуджаным за распальванне нацыянальнай варожасці

Вярхоўны суд пакінуў у сіле прысуд аўтарам расійскага інфармацыйнага агенцтва Regnum, асуджаным за распальванне нацыянальнай варожасці або розні.

Чытачы абурыліся артыкулам Relax.by пра рэстарацыю ля Курапатаў. Сайт адказаў выдаленьнем камэнтароў
12.06.2018

Чытачы абурыліся артыкулам Relax.by пра рэстарацыю ля Курапатаў. Сайт выдаліў матэрыял

На беларускім партале Relax.by 12 чэрвеня выйшаў артыкул пра рэстарацыю «Поедем поедим», якая знаходзіцца за 50 мэтраў ад мэмарыялу Курапаты. Многія чытачы і карыстальнікі сацсетак выказалі абурэньне з гэтай нагоды, рэдакцыя адрэагавала на гэта выдаленьнем камэнтароў. А пазней выдаліла і сам тэкст. «Мы меркавалі, што чытачы самастойна прымуць рашэнне, ці варта наведваць ўстанову. Разам з тым мы не можам не заўважыць, што нават у такім фармаце матэрыял закранае пачуцці некаторых нашых чытачоў, якія палічылі недапушчальным адкрыццё ўстановы ў непасрэднай блізкасці ад Курапатаў, месцы масавых расстрэлаў беларусаў у міжваенны перыяд. Relax.by — сайт пра рэстараны, моду, забавы, гарадское жыццё. Значны палітычны і грамадскі рэзананс не з'яўляецца для нас рэдакцыйнай мэтай. Паважаючы пачуцці і пазіцыю нашых чытачоў, мы прынялі рашэнне выдаліць матэрыял з сайта», — паведамляе адміністрацыя сайта.

 Прызначаны новы прэс-сакратар МЗС Беларусі
12.06.2018

Прызначаны новы прэс-сакратар МЗС Беларусі

Начальнікам упраўлення інфармацыі і лічбавай дыпламатыі (прэс-сакратаром) МЗС Беларусі 11 чэрвеня прызначаны Анатоль Глаз, які змяніў на гэтай пасадзе Дзмітрыя Мірончыка, што будзе прадстаўляць інтарэсы Беларусі ў Швецыі. Пра гэта паведамілі БЕЛТА ў прэс-службе беларускага замежнапалітычнага ведамства.

Прэйгерман патрабуе ад кіраўніцтва тэлеканала “Белсат” афіцыйных выбачэнняў за неаб’ектыўнае асвятленне Форума “Мінскі дыялог”
12.06.2018

Прэйгерман патрабуе ад “Белсата” афіцыйных выбачэнняў за неаб’ектыўнае асвятленне “Мінскага дыялогу”

Арганізатары Форума “Мінскі дыялог” патрабуюць ад кіраўніцтва тэлеканала “Белсат” афіцыйных выбачэнняў “за неаб’ектыўнае і несумленнае асвятленне мерапрыемста”. У адваротным выпадку пагражаюць “спыніць любую супрацу з тэлеканалам “Белсат”, а журналісты тэлеканала больш не атрымаюць акрэдытацыю ні на адно наша мерапрыемства”. Пра гэта гаворыцца ў афіцыйным лісце за подпісам кіраўніка экспертнай ініцыятывы “Мінскі дыялог” Яўгена Прэйгермана на імя кіраўніцы “Белсата” Агнешкі Рамашэўская-Гузы.

Вярхоўны суд разглядае апеляцыйную скаргу на прысуд аўтарам Regnum
12.06.2018

Вярхоўны суд разглядае апеляцыйную скаргу на прысуд аўтарам Regnum

Сёлета 2 лютага аўтараў расійскага інфармацыйнага сайта Regnum Юрыя Паўлаўца, Сяргея Шыпценку і Дзмітрыя Алімкіна пакаралі пяццю гадамі пазбаўлення волі з адтэрміноўкай на тры гады за распальванне варожасці на нацыянальнай глебе у складзе групы асобаў (арт. 130 Крымінальнага кодэкса). Аўтары Regnum, якія больш за год правялі за кратамі падчас следства, не згадзіліся з прысудам і падалі апеляцыйныя скаргі.

На затрыманую ў Курапатах журналістку Кацярыну Андрэеву склалі пратакол. Будзе суд
06.06.2018

На затрыманую ў Курапатах журналістку Кацярыну Андрэеву склалі пратакол і адпусцілі

Журналістку «Белсата» затрымалі ў Курапатах побач з так званым комплексам «Бульбаш-хол», дзе актывісты пратэстуюць супраць адкрыцця рэстарана «Паедзем, паядзім». Кацярына Андрэева асвятляла пратэст.