Віцебская вобласць
Віцебскія праваабаронцы адзначылі працу журналістаў Таццяны Смоткінай і Змітра Лупача
Рэдакцыя сайта “Віцебская вясна” заснавала званне “Абаронца правоў чалавека году”. Глыбоцкія журналісты Таццяна Смоткіна і Зміцер Лупач прызнаныя пераможцамі ў намінацыі “За журналісцкую дзейнасць у прасоўванні каштоўнасцяў правоў чалавека”.
У Віцебску стартаваў конкурс журналісцкіх публікацый “Грамадская стужка 2.0”
Да ўдзелу ў конкурсе запрашаюцца журналісты, аўтары і блогеры, якія працуюць у Віцебску і Віцебскай вобласці. Ад іх чакаюць матэрыялаў пра грамадскую актыўнасць, створаных у самых розных жанрах – ад газетнага матэрыялу да відэарэпартажу або фотасправаздачы.
Сацыяльныя сеткі і СМІ ў дапамогу: валанцёры з дапамогай журналістаў шукаюць зніклую жыхарку Віцебска
Ужо дзесяць дзён у Віцебску шукаюць зніклую Вольгу Лазарэнка, 63-гадовую жанчыну, якая пакутуе на хваробу Альцгеймера. Дапамагаюць шукаць і віцебскія журналісты: выконваючы прафесійныя абавязкі па распаўсюдзе інфармацыі і выходзячы на пошукі непасрэдна разам з валанцёрамі.
Віцебскі журналіст — пра папулярнасць рускамоўных і беларускамоўных медыя ў рэгіёне
З вынікамі сваіх даследаванняў сябра ГА “БАЖ” Зміцер Казакевіч пазнаёміў прысутных падчас канферэнцыі “Беларуская дзяржаўнасць. Гісторыя і сучаснасць”, якая прайшла ў Віцебску 5 студзеня.
Першы віцебскі кейккросінг: пірагі ад журналістаў і новыя перпектывы супрацоўніцтва
Бадай што ўсім вядомыя буккросінг — абмен кнігамі, або посткросінг — абмен паштоўкамі. А ў Віцебску 3 студзеня наладзілі кейккросінг — абмен пірагамі ўласнай вытворчасці.
Глыбоцкая суполка ГА “БАЖ” падвяла вынікі года
На пачатку справаздачнага сходу кіраўніца суполкі Таццяна Смоткіна падзякавала прысутным за актыўнасць і зладжаную супольную працу на карысць арганізацыі. Таццяна распавяла, што суполка была адзначана лістом падзякі за актыўны ўдзел у “Эстафеце добрых спраў”. Менавіта сябра глыбоцкай суполкі Галляш Сялява і прапанаваў стварыць такую ініцыятыву ў арганізацыі.
Журналіста-фрылансера Змітра Лупача зноў аштрафавалі
Дзявяты па ліку суд адбыўся сёлета над глыбоцкім журналістам-фрылансерам Змітром Лупачам па частцы 2 артыкула 22.9 КаАП — за незаконны выраб і распаўсюд прадукцыі СМІ.
Павел Левінаў: Гарвыканкам не мусіць вызначаць, каго з журналістаў пусціць на прэс-канферэнцыю, а каго — не
Віцебскі праваабаронца і сябра ГА “БАЖ” звярнуўся ў гарвыканкам з прапановай, каб на арганізаваныя ўладамі прэс-канферэнцыі пускалі ўсіх ахвотных прадстаўнікоў СМІ, а не толькі з “правераных выданняў”.
КПЧ ААН зарэгістраваў чарговыя звароты глыбоцкіх журналістаў пра парушэнне правоў на свабоду слова
Паведамленне пра гэта атрымалі Таццяна Смоткіна, Зміцер Лупач і праваабаронца з Віцебска Павел Левінаў.
Фрылансеру Змітру Лупачу праз Viber даслалі позву ў суд
Глыбоцкія міліцыянты 5 снежня склалі чарговы пратакол па частцы другой артыкула 22.9 КаАП на журналіста Змітра Лупача. Позву журналісту-фрылансеру даслаў на Viber капітан міліцыі, старшы інспектар па дазвольнай рабоце аддзела аховы правапарадку і прафілактыкі Сяргей Цырбан.
Сябры БАЖ вучылі полацкіх калег эфектыўна атрымліваць інфармацыю ад дзяржорганаў
Трэнінг па доступе да інфармацыі з выкарыстаннем механізмаў Закона аб зваротах грамадзян прайшоў у Полацку. Яго зладзіла 1 снежня полацкая суполка ГА “Беларуская асацыяцыя журналістаў”. Мерапрыемства адбылося ў межах лідарскага курсу арганізацыі. У якасці трэнераў выступілі полацкія юрысты, праваабаронцы, сябры ГА “БАЖ” Генадзь Воранаў і Марына Яфімава.
Шапікі “Віцебскаблсаюздруку” робяць зніжку на каву ў нагрузку да дзяржаўнай прэсы
Зніжку амаль на 40% за кубачак кавы пры ўмове набыцця газет “Рэспубліка” ці “Беларусь сегодня” прапануюць амаль 50 шапікаў і павільёнаў РУП “Віцебскаблсаюздруку”.