НЕ - ВАЙНЕ!

Брэсцкая вобласць

30.01.2023

Брэсцкага блогера Кабанава эвакуіравалі з Беларусі ў Літву

Служба эвакуацыі фонда дапамогі палітвязням BYSOL паведаміла, што 27 студзеня здолела паспяхова вывезці ў Літву блогера, экс-палітвязня Аляксандра Кабанава. Ён вызваліўся з калоніі пасля  адбыцца тэрміна пакарання ў канцы мінулага года і не стаў спакушаць лёс, застаючыся ў Беларусі.   

18.01.2023

У Брэсце затрымалі блогера Дзмітрыя Гарбунова

Як адзначаецца ў паведамленні аднаго з Telegram-каналаў, блізкага да брэсцкіх сілавікоў, падставай да затрымання Дзмітрыя Гарбунова сталі “знявагі ў сетцы Інтэрнэт”. У чым канкрэтна абвінавачваюць блогера, у паведамленні не тлумачыцца.

17.01.2023

Старонка інтэрнэт-выдання з Пінска ў Facebook прызнаная “экстрэмісцкай”

Паводле рашэння суда Пінскага раёна і города Пінска, “экстрэмісцкімі матэрыяламі” цяпер лічыцца група ў сацыяльнай сетцы Facebook з назвай “1Пинск”, якая мае дачыненне да інфармацыйнага сайта “Першы рэгіён” і адпаведнай групы. Такое рашэнне прыняў 13 студзеня суддзя Мікалай Каляда.

27.12.2022

Сайт і сацсеткі газеты “Царква” прызнаныя “экстрэмісцкімі матэрыяламі”

У рэспубліканскі спіс экстрэмісцкіх матэрыялаў на сайце Міністэрства інфармацыі дадалі выданне, якое асвятляе жыццё грэка-каталіцкай царквы ў Беларусі.

19.12.2022

Блогеры-палітвязні Пятрухін і Кабанаў на свабодзе пасля трох гадоў зняволення

Папулярных блогераў і актывістаў з Берасцейшчыны Сяргея Пятрухіна і Аляксандра Кабанава абвінавацілі ў тым, што яны нібыта “рэалізоўвалі планы арганізацыі пратэставага руху". За гэта і іншыя “парушэнні закону” кожнаму прысудзілі па тры гады калоніі. Блогеры цалкам адбылі свае тэрміны і 17 снежня 2022 года выйшлі на волю.

19.12.2022

Суд ліквідаваў тэлекампанію ў Драгічыне, якая існавала больш за 25 гадоў

Эканамічны суд Брэсцкай вобласці на пачатку 2022 года пачаў справу аб банкруцтве камунальнага ўнітарнага прадпрыемства “Тэлекампанія “Грамадскае Драгічынскае Тэлебачанне”, а мінулай восенню скончыў працэдуру ліквідацыі гэтай установы. Заснавальнікам тэлекампаніі з’яўляўся Драгічынскі райвыканкам, а маёмасць прадпрыемства належала на праве ўласнасці мясцоваму раённаму Савету дэпутатаў.

13.12.2022

Тры дзяржаўныя “раёнкі” Брэсцкай вобласці з наступнага года губляюць самастойнасць

З 1 студзеня 2023 года раённыя выданні “Голас часу”, “Сельская праўда” і “Савецкае Палессе” войдуць у склад камунальнага ўнітарнага інфармацыйнага прадпрыемства “Рэдакцыя Брэсцкай абласной газеты “Заря”. Дагэтуль заснавальнікамі дзяржаўных “раёнак” былі мясцовыя райвыканкамы, раённыя саветы дэпутатаў, а таксама працоўныя калектывы рэдакцый.

06.12.2022

Пракуратура накіравала ў суд крымінальную справу Дар'і Лосік “за садзейнічанне экстрэмісцкай дзейнасці”

Як адзначаецца ў паведамленні на сайце Генпракуратуры Беларусі, пракуратура Брэсцкай вобласці накіравала ў суд крымінальную справу супраць жыхаркі Баранавіч Дар'і Лосік. 31-гадовую палітзняволеную вінавацяць у “садзейнічанні экстрэмісцкай дзейнасці”.

02.12.2022

Дар'я Лосік у чаканні суда следам за мужам-палітвязнем: справу перадалі ў пракуратуру

Дар'ю Лосік, жонку асуджанага кансультанта Радыё “Свабода” Ігара Лосіка, затрымалі 18 кастрычніка на падставе крымінальнага артыкула 361-4 — нібыта за “садзейнічанне экстрэмісцкай дзейнасці”. Падставай стала інтэрв’ю тэлеканалу “Белсат” у красавіку 2022 года.  

25.11.2022

Аўтарку крытычнай публікацыі на сайце “Ганцавіцкі час” выклікалі ў міліцыю

Журналістка незалежнага рэгіянальнага выдання “Ганцавіцкі час” Ірына Дамарацкая днямі атрымала позву з мясцовага раённага аддзела ўнутраных спраў.

18.11.2022

“Брестской газете" спаўняецца 20 год

Незалежнае выданне “Брестская газета” 18 лістапада адзначае 20-гадовы юбілей. Як зазначае галоўны рэдактар Віктар Марчук, сёння пра папяровае выданне гаворкі няма, слова “газета” засталося толькі ў назве медыя. А калісьці ў 2002 годзе менавіта з газеты ўсё і пачыналася.