356

Журналісты даведаліся апошнія словы забітага журналіста Хашогі

10.11.2018 Крыніца: NN.by

Саудаўскі журналіст Джамаль Хашогі перад смерцю казаў, што задыхаецца і прасіў зняць з яго галавы мяшок. Пра гэта катарскаму тэлеканалу Al Jazeera распавёў кіраўнік журналісцкага расследавання ў Turkish Daily Sabah Назіф Караман.

 Джамаль Хашогі / Reuters

Па словах Карамана, апошнімі словамі Хашогі былі: «Я задыхаюся… Зніміце гэты мяшок з маёй галавы, у мяне клаўстрафобія». Паводле аўдыёзапісу, саудаўскі журналіст памёр праз сем хвілін пасля таго, як яму на галаву начапілі поліэтыленавы пакет.

Акрамя таго, як сцвярджае Караман, перад тым як раздзяліць цела Хашогі, забойцы расклалі на падлозе поліэтыленавыя мяшкі. Працэс раздзялення заняў каля 15 хвілін, а ажыццявіў яго саудаўскі судова-медыцынскі эксперт, кіраўнік саудаўскага Інстытута судовай медыцыны Салах аль-Тубаігі, сцвярджае суразмоўца.