825

Журналісту Яўгену Меркісу прысудзілі яшчэ адзін буйны штраф

05.05.2017 Крыніца: "Новы Час"

Сёння ў судзе Савецкага раёна Гомеля ў чарговы раз судзілі журналіста-фрылансера Яўгена Меркіса. Падставай стала анлайн-трансляцыя побач ІЧУ 31 сакавіка, калі на свабоду мусіў выйсці вядомы гомельскі відэаблогер Максім Філіповіч.

Яўгена Меркіса асудзілі па артыкуле 22.9 КаАП за «парушэнне заканадаўства аб сродках масавай інфармацыі».

Суддзя Алена Шайн пакарала журналіста штрафам у памеры 40 базавых велічынь (920 рублёў). Такім чынам, гэта ўжо шосты адміністрацыйны працэс супраць Яўгена з пачатку вясны. Агульная сума штрафаў журналісту сёлета складае 115 базавых велічынь.

Рэпрэсіі супраць журналістаў у Беларусі ў 2017 годзе (Табліца, абнаўляецца)

Самыя важныя навіны і матэрыялы ў нашым Тэлеграм-канале — падпісвайцеся!