1324

Журналістку Насту Захарэвіч пакаралі арыштам на 15 сутак

06.11.2020 Крыніца: Прэс-служба ГА "Беларуская асацыяцыя журналістаў"

Журналістку Насту Захарэвіч затрымалі 5 лістапада ў кветкавай краме каля ГУМу ў Менску. Раней яна правяла за кратамі сем дзён.​ Захарэвіч стаяла каля праспекта Незалежнасці, дзе праходзіў марш людзей з інваліднасцю. Амапаўцы кінуліся за ёй.

Таксама прыкладна а 16:00 на Маршы людзей з інваліднасцю затрыманы Ілля Дабратвор, які працаваў там у якасці журналіста. Яго 3 гадзіны пратрымалі ў міліцыі, правялі прафілактычную гутарку і вызвалілі без складання пратаколаў.

У выніку Насту Захарэвіч так і не вызвалілі з міліцыі. На яе склалі пратаколы за нібыта ўдзел у несанкцыянаваным мітынгу і непадпарадкаванне міліцыянтам (23.34 і 23.4 КаАП).

У пятніцу суддзя Ленінскага раёна Мінска Юлія Шут прызнала журналістку вінаватай і пакарала арыштам на 15 сутак. На волю Наста Захарэвіч выйдзе толькі 20 лістапада.

Вебинар «Как провести журналистское расследование в эпоху пандемии» (вторник, 10 ноября)

Самыя важныя навіны і матэрыялы ў нашым Тэлеграм-канале — падпісвайцеся!