НЕ - ВАЙНЕ!
129

Журналіста Свабоды Кузьнечыка перавялі ў СІЗА Магілёва

12.05.2022 Крыніца: Радыё Свабода

На гэты момант у зьняволеньні ў Беларусі знаходзяцца 25 прадстаўнікоў мэдыя.

Фрылансэра Радыё Свабода Андрэя Кузьнечыка затрымалі 25 лістапада 2021 году на роварнай прагулцы, у ягонай кватэры правялі ператрус, забраўшы тэхніку і іншыя рэчы.

26 лістапада Заводзкі раённы суд Менску абвінаваціў Андрэя Кузьнечыка ў дробным хуліганстве і пакараў 10 днямі арышту, затым Кузьнечыку прысудзілі яшчэ адзін адміністрацыйны арышт, а 23 сьнежня стала вядома, што на журналіста завялі крымінальную справу.

12 траўня стала вядома, што Андрэя Кузьнечыка перавялі зь менскага СІЗА-1 на вуліцы Валадарскага ў магілёўскую турму.

З чым зьвязаны перавод, невядома. Таксама ўжо на працягу некалькіх месяцаў зьняволеньня Андрэя Кузьнечыка ані калегі, ані родныя дагэтуль ня ведаюць, па якім артыкуле яго абвінавачваюць. Адвакат пад падпіскай аб невыдаваньні.

Самыя важныя навіны і матэрыялы ў нашым Тэлеграм-канале — падпісвайцеся!