Сябры ўчастковай выбарчай камісіі №29 Ленінскага раёна Мінска выдалілі з участка для галасавання журналіста газеты “Новы Час” Арцёма Ляву за фатаграфаванне.
– У адпаведнасці з заканадаўствам я рабіў фотаздымкі на выбарчым участку. Гэта дазволена законам. Але гэта не спадабалася Алене Пазенка, дырэктарцы школы №134, у якой размешчаны ўчастак. Яна заявіла, што я перашкаджаю выбарчаму працэсу. Пасля гэтага сябры выбарчай камісіі склалі на мяне акт і выгналі з выбарчага участка, – распавёў Арцёма Лява прэс-службе ГА “БАЖ”.
Журналіст напісаў скаргу у Цэнтральную выбарчую камісію.
Нагадаем, што пра законнасць вядзення на выбарчых участках здымкаў журналістамі СМІ некалькі дзён таму нагадвала ЦВК у адмысловай метадычцы.
Адзін дзень датэрміновага галасавання ў фотаздымках
У Брэсце журналістам заміналі выконваць свае абавязкі на адным з выбарчых участкаў (ВІДЭА)
Баранавічы: Гарадская выбарчая камісія адмовіла ў інфармацыі журналісту “Intex-press”