НЕ - ВАЙНЕ!
707

Жаночая камера, у якой сядзіць журналістка Ірына Слаўнікава, аб'явіла галадоўку

04.11.2021 Крыніца: Прэс-служба Беларускай асацыяцыі журналістаў

Прычынай сталі нечалавечыя ўмовы ўтрымання зняволеных на Акрэсціна.

Жанчын пазбавілі магчымасці атрымліваць перадачы, быццам бы з-за пагрозы каронавіруса. А днямі ў іх канфіскавалі зубныя шчоткі і лекі, якія перайшлі "ў спадчыну" ад тых, хто ўжо вызваліўся.

Медыя паведамляюць, прычынай гэтага пакарання стала тое, што "яны не тым тонам папрасілі ў адміністрацыі туалетную паперу". Пра гэта распавяла адна з былых сукамерніц Ірыны Слаўнікавай.

Журналістку Ірыну Слаўнікаву затрымалі разам з мужам пасля вяртання з адпачынку непасрэдна ў мінскім аэрапорце. Абаіх арыштавалі на 15 сутак за «распаўсюд экстрэмісцкіх матэрыялаў».

Самыя важныя навіны і матэрыялы ў нашым Тэлеграм-канале — падпісвайцеся!