Сёння з ператрусам, як паведаміла жонка Дзяніса Вольга Івашына, супрацоўнікі КДБ прыйшлі дадому да 95-гадовай хворай бабулi Дзянiса. У гэты час там ідзе вобшук.
12 сакавіка вобшукі прайшлі дома ў Дзяніса Івашына і ў яго бацькоў. Дзяніс затрыманы, знаходзіцца ў ІЧУ КДБ.
Дзяніс Івашын займаецца расследаваннямі. У Беларусі супрацоўнічае з рэдакцыяй газеты "Новы Час". Апошні яго матэрыял для "Новага Часу" быў пра тое, як былыя ўкраінскія "беркутаўцы" паспяхова ўладкаваліся на службу ў беларускую міліцыю.
Цяпер у зняволенні знаходзяцца 11 беларускіх журналістаў (Сяргей Гардзіевіч, журналіст "Першага рэгіёна", пад хатнім арыштам).