Міністэрства інфармацыі Беларусі прыняла рашэнне заблакаваць доступ беларускіх карыстальнікаў да сайта нашай арганізацыі – галоўнага незалежнага журналісцкага аб’ядання краіны. У жніўні гэтага года Вярхоўны суд пазбавіў нашу арганізацыю рэгістрацыі.
БАЖ лічыць ліквідацыю арганізацыі, а таксама блакаванне сайта абсалютна неправавымі мерамі.
26 гадоў Беларуская асацыяцыя журналістаў абсалютна законна і адкрыта дапамагала сябрам аб’яднання абараняць свае правы і рэалізоўваць прафесійныя інтарэсы, падвышаць узровень журналісцкага майстэрства і якасць медыя.
БАЖ — лаўрэат прэстыжных міжнародных прэмій і ўзнагарод, сябра Міжнароднай і Еўрапейскай федэрацыі журналістаў.
Сайт БАЖ — Baj.by — быў і застаецца галоўнай крыніцай інфармацыі і аналітыкі пра беларускі медыясектар, факты пераследу журналістаў і медыя. Беларуская асацыяцыя журналістаў шмат год вядзе маніторынг парушэння правоў калег у Беларусі.
На сайце размяшчаюцца навіны і аналітычныя матэрыялы, супольныя заявы і звароты журналісцкай і праваабарончай супольнасці.
Нягледзячы на блакаванне доступу з Беларусі, сайт БАЖ працягне працу і дзякуе калегам за давер. Для карыстальнікаў з Беларусі бліжэйшымі днямі мы створым люстэрка.
Пакуль сачыце за нашай інфармацыяй у:
-
Telegram: https://t.me/bajby
-
Facebook: https://www.facebook.com/bajbelarus
-
Twitter: https://twitter.com/baj_by
-
Instagram: https://www.instagram.com/baj.by
Нагадаем галоўныя раздзелы нашага сайта:
"Навіны"
"Дадзеныя і статыстыка"
"Конкурсы і навучанне"
"Маніторынгі"
"Камісія па этыцы"
"Пра БАЖ"