Як стала вядома Беларускай асацыяцыі журналістаў, у пятніцу, 16 снежня ў Слоніме сілавікі затрымалі вядомага журналіста, краязнаўцу і пісьменніка Сяргея Чыгрына. Яго абвінавацілі ў рэпосце «экстрэмісцкіх матэрыялаў» і ў той жа дзень асудзілі на 7 сутак арышту.
Калегі звязваюць затрыманне Сяргея з ягонай ранейшай працай у недзяржаўных медыя.
Акрамя іншага Сяргей, аўтар шматлікіх твораў і пераможца літаратурных конкурсаў, працуе загадчыкам літаратурнай часткі Слонімскага драматычнага тэатра. У панядзелак стала вядома, што кіраўніцтва тэатра ўжо прыняло рашэнне звольніць Чыгрына.
Такім чынам, за кратамі ў Беларусі на дадзены момант 33 прадстаўнікі медыя.
БАЖавец Сяргей Чыгрын са Слоніма атрымаў прэмію за краязнаўчую кнігу
Журналіст, літаратар Сяргей Чыгрын выдаў зборнік вершаў “Слонімскія настроі”
Калі спыняецца час. Рэпартаж з пустой рэдакцыі “Газеты Слонімскай”