312

У рэдакцыі рэгіянальнай газеты «Ганцавіцкі час» адбыўся ператрус

05.10.2021 Крыніца: Служба маніторынгу ГА "Беларуская асацыяцыя журналістаў"

У рэдакцыі газеты «Ганцавіцкі час» проста цяпер адбываецца ператрус з канфіскацыяй тэхнікі.

 Ператрусы ў рэдакцыі былі ў ліпені 2021 года і ў снежні 2020 года.

Ператрус у рэдакцыі “Ганцавічскага часу” праводзілі супрацоўнікі Дэпартамента фінансавых расследаванняў камітэта дзяржкантролю.

Сілавікі цікавіліся, у першую чаргу, фінансамі і бухгалтэрыяй, у выніку ператрусу забралі ўсе камп’ютары і тэлефоны.  Бліжэй да вечара стала вядома, што галоўны рэдактар газеты Пётр Гузаеўскі зараз дома, але без сродкаў сувязі.

Газеце "Ганцавіцкі час" 19 гадоў. Яна зарэгістраваная Міністэрствам інфармацыі, належыць кампаніі "Медыя-Ганцавічы", якая заснавала і сайт "Першы Рэгіён". Сайт "Першы Рэгіён" — прыватнае медыя. Працуе для шэрагу гарадоў Брэсцкай вобласці: Івацэвічаў, Бярозы, Пінска, Ганцавіч, Драгічына.

Самыя важныя навіны і матэрыялы ў нашым Тэлеграм-канале — падпісвайцеся!