У судзе г. Полацка і Полацкага раёна 7 сакавіка прайшло судовае пасяджэнне па адміністрацыйнай справе Мікалая Шараха. Яго судзілі за распаўсюд экстрэмісцкіх матэрыялаў паводле ч. 2 арт. 19. 11 КаАП — за падпіску на "Байпол" і “Байхелп”. У выніку суддзя Раіса Штуро прызнала Мікалая Шараха вінаватым і пакарала адміністрацыйным арыштам на 15 сутак.
Нягледзячы на тое, што Мікалай Шарах выдаліў сваю старонку ў Facebook яшчэ чатыры месяцы таму, у судзе былі паказаныя скрыншоты старонкі за 9 лютага 2023 года з падпіскай на так званыя экстрэмісцкія каналы. Пры гэтым суддзя зазначыла, што 2 сакавіка ў інтэрнэце гэтай інфармацыі не было. Адвакат Мікалая Шараха таксама звяртаў на гэта ўвагу, але суд ўсё ж такі прызначыў пакаранне.
На суд падтрымаць Мікалая Шараха прыйшлі яго сябры і калегі. Мяркуецца, што адбываць арышт ён будзе ў наваполацкім ЦІПе.
Нагадаем, старшыню Свабоднага прафсаюза Беларускага і журналіста Мікалая Шараха супрацоўнікі міліцыі затрымалі ўчора ў яго дома ў Полацку.
Чытайце яшчэ:
«Гэта акт запалохвання». БАЖ назвала чаканым статус «экстрэмісцкага фармавання»
Былыя журналісты «Белсату» распавялі пра жыццё ў эміграцыі ў ЗША
ГосСМИ и пропагандисты часто используют антисемитские высказывания и остаются безнаказанными. Zerkalo приводит примеры