825

У Мінску затрымалі журналістку Таццяну Капітонаву, яна на Акрэсціна

13.05.2021 Крыніца: Прэс-служба ГА "Беларуская асацыяцыя журналістаў"

У Мінску затрымана журналістка Таццяна Капітонава. Яна здымала канферэнцыю ў каворкінгу на Нямізе.

Падрабязнасці высветляем. Прысутныя на канферэнцыі распавялі, што міліцыянты прыйшлі менавіта за журналісткай. 

У Савецкім РАУС нам пацвердзілі, што журалістка Таццяна Капітонава затрыманая да суду паводле адміністрацыйнай справы.

У чым вінавацяць калегу, супрацоўнікі міліцыі не гавораць.

З РАУСа журналістку адвязуць на Акрэсціна. Суд пройдзе заўтра.

Такім чынам за кратамі ў Беларусі цяпер 15 прадстаўнікоў медыя.

Самыя важныя навіны і матэрыялы ў нашым Тэлеграм-канале — падпісвайцеся!