НЕ - ВАЙНЕ!
511

У Менску затрыманы фатограф Уладзь Грыдзін. Быў вобшук. Акрэсціна

06.02.2022 Крыніца: Радыё Свабода Сюжэт: Затрыманні журналістаў

Як паведамілі сваякі, Уладзь перастаў выходзіць на сувязь з абеду пятніцы 4 лютага. Сёньня яны даведаліся, што ён схоплены і ўтрымліваецца ў ІЧУ на Акрэсьціна.

У нядзелю раніцай сваякі паехалі да яго дадому і пабачылі сьляды ператрусу — рэчы раскіданыя, на падлозе сьмецьце, няма ноўтбука і фотаапарата. На дзьвярах — у пакоі і на ўваходных — вісеў сьвежа прыклеены стыкер з напісаным нумарам тэлефона адваката.

Сваякі паведамілі, што суд будзе заўтра, верагодна — у судзе Фрунзэнскага раёну Менску.

Уладзь Грыдзін працаваў фотакарэспандэнтам Радыё Свабода, пакуль 29 жніўня 2020 году ўлады не пазбавілі акрэдытацыі яго і яшчэ трох нашых журналістаў.

У верасьні 2020 году Уладзь Грыдзін быў затрыманы падчас выкананьня журналісцкіх абавязкаў і адседзеў 11 дзён на Акрэсьціна.

Уладзь быў пераможцам і прызэрам конкурсу Belarus Press Photo, яго здымкі публікавалі сусьветныя агенцтвы і СМІ.

Рэпрэсіі супраць журналістаў у 2022 годзе (табліца, спіс зняволеных)

Самыя важныя навіны і матэрыялы ў нашым Тэлеграм-канале — падпісвайцеся!