253

У Маскве знік беларускі палітолаг Аляксандр Фядута

12.04.2021 Крыніца: Прэс-служба ГА "Беларуская асацыяцыя журналістаў"

У Маскве знік беларускі палітолаг Аляксандр Фядута. Пра гэта паведамляе nn.by са спасылкай на яго жонку Марыну Шыбко. Жанчына збіраецца  вылятаць у расійскую сталіцу на пошукі мужа, які не выходзіць на сувязь.

Аляксандр Фядута быў у Маскве па працоўных справах.

У 1994 годзе Аляксандр Фядута быў сябрам перадвыбарнага штабу Аляксандра Лукашэнкі. Пасля стаў начальнікам упраўлення грамадска-палітычнай інфармацыі Адміністрацыі прэзідэнта Беларусі.

У 2010 года Фядута працаваў у перадвыбарным штабе кандыдата ў прэзідэнты Уладзіміра Някляева, ён быў затрыманы 20 снежня ў Мінску сілавікамі і змешчаны ў следчы ізалятар КДБ — "Амерыканку". 11 студзеня 2011 года Міжнародная амністыя прызнала Фядуту вязнем сумлення. 8 красавіка 2011 года ён быў вызвалены пад падпіску аб нявыездзе. 20 мая 2011 года Аляксандр Фядута быў прысуджаны да двух гадоў пазбаўлення волі ўмоўна з выпрабавальным тэрмінам на два гады.

Самыя важныя навіны і матэрыялы ў нашым Тэлеграм-канале — падпісвайцеся!