179

У дзяржаўную газету «Брестский вестник» прызначылі новага галоўнага рэдактара з Магілёўшчыны

18.02.2020 Крыніца: Служба маніторынгу ГА "Беларуская асацыяцыя журналістаў"

Рэдакцыяй газеты, заснавальнікам якой з’яўляецца Брэсцкі гарвыканкам, кіраваць будзе Уладзіслаў Грыбанаў — дагэтуль ён працаваў намеснікам галоўнага рэдактара газеты «Бабруйскае жыццё».

 

Уладзіслаў Грыбанаў нарадзіўся ў Магілёўскай вобласці і мае дзве вышэйшыя адукацыі: скончыў Беларускі дзяржаўны ўніверсітэт і Акадэмію кіравання пры прэзідэнце РБ.

Што тычыцца працоўнай біяграфіі, то яна вельмі разнастайная: Уладзіслаў Грыбанаў быў рэдактарам аддзела інфармацыі ў телерадыёкампаніі «Магілёў», уласным карэспандэнтам «Сталічнага тэлебачання», прэс-сакратаром Магілёўскага аблвыканкама, намеснікам старшыні Быхаўскага райвыканкама і рэдактарам быхаўскай раённай газеты «Маяк Прыдняпроўя». Два апошнія гады працаваў у Бабруйску.

Ранейшы рэдактар «Брестского вестника» Віктар Васілеўскі займаў гэтую пасаду са жніўня 2013 года і звольніўся некалькі месяцаў таму.

Самыя важныя навіны і матэрыялы ў нашым Тэлеграм-канале — падпісвайцеся!