262

У Бабруйску затрыманыя журналісты падчас асвятлення акцыі салідарнасці

19.06.2020 Крыніца: Служба маніторынгу ГА "Беларуская асацыяцыя журналістаў"

Карэспандэнтка мясцовага навінавага партала BOBR.BY, сябра ГА “БАЖ”, Алеся Лацінская была затрыманая ўвечары 19 чэрвеня. Журналістка асвятляла пікет салідарнасці з затрыманымі падчас выбарчай кампаніі, які праходзіць зараз у цэнтры Бабруйска на вуліцы Мінскай.

На відэа, якое з’явілася ў чаце тэлеграм-канала “Бабруйск для жыцця” бачна, як Алесю разам з яе мужам Сяржуком Лацінскім, таксама журналістам, супрацоўнікі АМАПу вядуць у аўтазак.

Дзе цяпер журналісты, і ў чым іх абвінавачваюць — невядома. Іхнія тэлефоны не адказваюць.

Самыя важныя навіны і матэрыялы ў нашым Тэлеграм-канале — падпісвайцеся!