НЕ - ВАЙНЕ!
1980

У акцёра і вядучага Юрыя Жыгамонта інфаркт

18.05.2016 Крыніца: Радыё Свабода

Актор і тэлевядоўца Юры Жыгамонт перажыў інфаркт, паведамляе «Беларускае Радыё Рацыя» са спасылкай на творчую каманду перадачы «Падарожжы дылетанта». Раней пра раптоўную хваробу паведамлялася на сайце вядоўцы.

«З прычыны раптоўнай хваробы спадара Юрыя, выпускі праграмы ў бліжэйшы час выходзіць ня будуць, — пісалі на сайце zhygamont.by тры дні таму. Нам складана акрэсьліць, колькі часу гэта працягнецца, бо хвароба сапраўды сур'ёзная і патрабуе такога ж сур'ёзнага лекаваньня. Без спадара Юрыя выкладваць новыя выпускі мы ня маем права і ня будзем».

Тэмай найбліжэйшай перадачы, прымеркаванай спачатку на 14, затым на 16 траўня, стала вёска Выдранка на Магілёўшчыне.

Перадача Юрыя Жыгамонта, якая выходзіла на беларускім тэлебачаньні цягам 15 год, спынілася на тэлеканале СТВ яшчэ ў лютым 2015 году, цяпер яна выходзіць у інтэрнэце. Сам аўтар тлумачыць такую сытуацыю складаным эканамічным становішчам у краіне — у канала папросту не знайшлося грошай, каб аплочваць далейшы выхад праграмы.

Самыя важныя навіны і матэрыялы ў нашым Тэлеграм-канале — падпісвайцеся!