248

Сябра БАЖ Алена Аўтушка пакараная 25 суткамі арышту

18.11.2020 Крыніца: Прэс-служба ГА "Беларуская асацыяцыя журналістаў"

Алену Аўтушку затрымалі 15 лістапада ў Мінску.

Алену затрымалі на Плошчы Перамен. Склалі два пратаколы паводле арт. 23.34 і 23.4 КаАП ("удзел у масавых акцыях пратэсту" і "непадпарадкаванне супрацоўніку міліцыі").

Алена патлумачыла ў судзе Фрунзенскага раёна, што прыйшла памаліцца за забітага Рамана Бандарэнку, сама пайшла ў міліцэскі аўтобус і супраціву не аказвала сілавікам. Тым не менш суддзя Бугук прызнаў яе вінаватай і пакараў арыштам на 25 сутак.

Алена Аўтушка цяпер узначальвае грамадскае аб'яднанне "Правінцыя", якое дапамагае жанчынам.

Самыя важныя навіны і матэрыялы ў нашым Тэлеграм-канале — падпісвайцеся!