1089

Святлана Калінкіна: «Беларускі партызан» папярэджанняў не атрымліваў»

15.12.2017 Крыніца: "Наша Ніва"

15 снежня адзін з самых папулярных беларускіх сайтаў «Беларускі партызан» перастаў адчыняцца. Высветлілася, што яго заблакавалі па рашэнні Міністэрства інфармацыі «за публікацыю забароненай інфармацыі».

https://baj.by/sites/default/files/event/preview/cms-image-000112434.jpg

Якія артыкулы, на думку чыноўнікаў, парушалі заканадаўства, пакуль невядома.

«Пачалося ўсё яшчэ ўчора, 14 снежня. Карыстальнікі «Атлант Тэлекам», пісалі, што не могуць адкрыць наш сайт. А 15 снежня высветлілася, што «Партызан» заблакаваны Мінінфармам, — распавяла «Нашай Ніве» журналістка Святлана Калінкіна, сузаснавальніца «Беларускага партызана».

— Прычым, мы не ведаем, за што нас заблакавалі. Аніякіх папярэджанняў «Беларускі партызан» не атрымліваў, пасля блакавання таксама не было ніякіх тлумачэнняў з боку чыноўнікаў, якія артыкулы штосьці парушылі».