1554

Стыпендыі для журналістаў з Украіны і Беларусі (да 15 лістапада)

10.11.2015 Крыніца: Паводле imi.org.ua

 

Фонд польська-нямецкай супрацы абвяшчае конкурс на “Стыпендыяльную праграму для журналістаў з Украіны і Беларусі”. 7 стыпендый (па 2,5 тыс. еўра) можна атрымаць за выдатныя журналісцкія дасягненні ў прэсе, на радыё, тэлебачанні і інтэрнэце. 

Тэрмін падачы заявак – 15 лістапада 2015 года.

Фонд хоча падтрымаць стыпендыямі працу ўкраінскіх і беларускіх журналістаў, а таксама спрычыніцца да ўзмацнення медыя-дыялогу і гатовасці да працы на карысць грамадзянскай супольнасці ў гэтых краінах.

Кандыдатаў на стыпендыі могуць заяўляць польскія і нямецкія медыя-арганізацыі, польскія і нямецкія СМІ, публічныя асобы з Нямеччыны і Польшчы.

Заяўка (на англійскай мове) павінна ўтрымліваць наступную інфармцыю:

- біяграфію і бібліяграфію кандыдата, максімальна 2 старонкі;

- абгрунтаванне намінацыі (апісанне журналісцкай дзейнасці кандыдата, інфармацыя пра яго асабістыя дасягненні); кандыдата можна намінаваць як за асобнае дасягненне, так і за працу ў сукупнасці.

- кароткую інфармацыю пра таго, хто заяўляе кандыдата.

Выбіраць пераможцаў будзе журы, скліканае Фондам.

Заяўкі трэба дасылаць электроннай поштай да 15.11.2015 г. на адрас:
joanna.czudec@fwpn.org.pl 

Інфармацыя па тэлефоне: +48 22 338 62 65

Самыя важныя навіны і матэрыялы ў нашым Тэлеграм-канале — падпісвайцеся!