Стэнфардскі ўніверсітэт (Злучаныя Штаты) прапануе летнюю стыпендыяльную праграму па дэмакратыі і развіцці. Удзел могуць прыняць журналісты, якія спецыялізуюцца на асвятленні эканамічнага і палітычнага развіцця сваіх краін.
У летняй 3-тыднёвай праграме ўдзельнічаюць 25-30 прафесіяналаў з розных сфер, якія маюць дачыненне да дэмакратыі, вяршэнства права і да развіцця.
Стэнфардскі ўніверсітэт аплочвае транспартныя выдаткі, пражыванне, выдаткі на візу. Праграма ўключае семінары, навуковыя чытанні, заняткі ў класе. Навучанне пройдзе ў Каліфорніі з 16 ліпеня па 4 жніўня 2017 года.
Дэдлайн набору - 16 лістапада 2016 года. Падрабязнасці тут.