1490

Скасоўваецца артыкул 193.1 КК. За час яго дзеяння былі асуджаныя 13 чалавек ВІДЭА

28.06.2019 Крыніца: Прэс-служба ГА "Беларуская асацыяцыя журналістаў"

Асамблея НДА падрыхтавала развітальны відэаролік да скасавання артыкула 193.1. Крымінальнага кодэкса.

18 ліпеня перастае дзейнічаць артыкул, які караў за дзейнасць ад імя незарэгістраваных арганізацый.

За 13 гадоў існавання гэтай нормы былі асуджаныя 18 актывістаў ды дзесяткі чалавек атрымалі папярэджанні — пагрозы пракуратуры ці КДБ з патрабаваннем спыніць дзейнасць без рэгістрацыі.

Больш за 10 гадоў праваабаронцы і грамадскія актывісты Беларусі і свету намагаліся скасавання артыкула. Але перамога толькі частковая — ужо з 19 ліпеня замест крымінальнай адказнасці за дзейнасць без рэгістрацыі будуць прадугледжаныя адміністратыўныя штрафы да 50 базавых. Прычым такое спагнанне змогуць накладаць міліцыянты ці чыноўнікі органаў юстыцыі нават без судовага разгляду.

Самыя важныя навіны і матэрыялы ў нашым Тэлеграм-канале — падпісвайцеся!