НЕ - ВАЙНЕ!
2433

Што вырашылі следчыя – невядома

29.03.2016 Крыніца: Прэс-служба ГА "Беларуская асацыяцыя журналістаў"

25 сакавіка скончыўся двухмесячны тэрмін, адведзены Следчаму камітэту (СК) на праверку з нагоды збіцця журналіста TUT.BY Паўла Дабравольскага.

Да гэтай даты СК мусіў вырашыць, ці ўтрымліваецца ў дзеяннях міліцыянтаў склад крымінальнага злачынства і ці будзе заведзена адпаведная справа. У сувязі з гэтым збіты журналіст звярнуўся да следчых, але адказу на сваё пытанне так і не атрымаў.

– У Следчым камітэце паведамілі, што пра іх рашэнне я даведаюся з афіцыйнага ліста, які будзе накіраваны мне па пошце, – расказаў у аўторак Павел Дабравольскі прэс-службе ГА “БАЖ”.

25 студзеня ў пачатку судовага пасяджэння па "справе графіцістаў" моладзевыя актывісты разгарнулі расцяжку з надпісам "Не – палітычным пераследам". Іх вывелі з залы суда і павялі па калідоры, дзе іх пачаў здымаць на відэа журналіст Павел Дабравольскі. Яго разам з актывістамі завялі ў пакой, збілі, пасля даставілі ў Фрунзенскі РУУС, склалі пратаколы аб адміністрацыйных правапарушэннях, а затым прыгаварылі да штрафаў у тым жа судзе Фрунзенскага раёна па арт. 17.1 (дробнае хуліганства) і арт. 23.34 (непадпарадкаванне законнаму патрабаванню службовай асобы) КаАП.

СК вярнуў збітаму журналісту Дабравольскаму тэлефон, але замест Android 6.0.1 на ім быў устаноўлены 5.1.1

Журналіста TUT.BY збілі і аштрафавалі

Штраф Дабравольскаму пакінулі ў сіле

Самыя важныя навіны і матэрыялы ў нашым Тэлеграм-канале — падпісвайцеся!