Са студзеня па лістапад адыходзячага года Міністэрства інфармацыі вынесла 15 папярэджанняў: 8 – сродкам масавай інфармацыі, 7 – інфармацыйным рэсурсам, якія распаўсюджваюцца з дапамогай глабальнай камп'ютарнай сеткі інтэрнэт.
Пра гэта гаворыцца ў адказе ведамства прэс-скаратару ГА “Беларуская асацыяцыя журналістаў” Барысу Гарэцкаму.
Аднатыпных парушэнняў заканадаўства аб СМІ, якія носяць масавы характар, у 2016 годзе не выяўлена.
Акрамя таго, ў 2016 годзе Міністэрствам інфармацыі прыняты рашэнні аб абмежаванні доступу да 47 інфармацыйных рэсурсаў, да аднаго з якіх доступ адноўлены, – паведамляе ў адказе нядаўна прызначаны намеснік міністра Аляксандр Карлюкевіч.
