Распаўсюд СМІ

 

Раздробны продаж друкаваных СМІ ў Беларусі вядзецца ў асноўным праз сетку кіёскаў прадпрыемстваў сістэмы «Белсаюздрук», якія з'яўляюцца структурнымі падраздзяленнямі Міністэрства інфармацыі Рэспублікі Беларусь.

Распаўсюд прэсы па падпісцы ажыццяўляе «Белпошта», уключаная ў Рэспубліканскі рэестр як манапаліст у сферы паслуг па падпісцы. Займаючы дамінуючае становішча на рынку распаўсюду друкаваных СМІ, дзяржаўныя прадпрыемствы «Белсаюздрук» і «Белпошта» часта адмаўляюцца распаўсюджваць незалежныя друкаваныя выданні, фактычна падвяргаючы іх эканамічнай дыскрымінацыі.

У канцы 2005 – пачатку 2006 гг. гэтыя прадпрыемствы-манапалісты спынілі супрацоўніцтва з шэрагам недзяржаўных выданняў, якія асвятлялі грамадска-палітычныя праблемы, з мэтай абмежаваць іх распаўсюд. У 2008 г. толькі двум з іх – газетам «Народная воля» і «Наша Ніва» – было дазволена вярнуцца ў дзяржаўныя сістэмы распаўсюду. Некаторыя з газет, якія страцілі магчымасці распаўсюду, вымушаныя былі закрыцца («Салідарнасць», «БДГ. Деловая газета» і іншыя).

На сённяшні дзень з цяжкасцямі пры распаўсюдзе сутыкаюцца не менш за восем зарэгістраваных газет сацыяльна-палітычнай тэматыкі. Гэта адбываецца на фоне адміністрацыйных прэферэнцый і наўпроставай фінансавай падтрымкі дзяржаўных медыя.

У ліку «праблемных» выданняў знаходзяцца «Новы час», «СНплюс. Свободные новости плюс», «Борисовские новости» і іншыя. Неаднаразова яны звярталіся ў «Белпошту» з просьбай уключыць іх у падпісны каталог і кожны раз атрымлівалі нематываваныя адмовы, хоць для самой «Белпошты» заключэнне дамоваў на падпіску эканамічна выгадна. Каб апраўдаць адмовы распаўсюднікаў-манапалістаў супрацоўнічаць з незалежнымі СМІ, дзяржаўныя органы займаюцца «адпіскамі», неабгрунтавана сцвярджаючы, што антыманапольнае заканадаўства не парушаецца.

Акрамя таго, што незалежныя выданні часта не маюць магчымасці распаўсюджвацца праз дзяржаўныя прадпрыемствы, іншыя варыянты распаўсюду ўскладненыя татальным кантролем дзяржавы ў асобе Міністэрства інфармацыі.

У адпаведнасці са зменамі, унесенымі ў Закон «Аб сродках масавай інфармацыі» ў пачатку 2015 года, быў створаны Дзяржаўны рэестр распаўсюднікаў друкаваных СМІ (артыкул 17), у які павінныя быць уключаныя ўсе распаўсюднікі прадукцыі СМІ (за выключэннем рэдакцый СМІ, што распаўсюджваюць уласныя выданні). З 1 ліпеня 2015 года дзейнасць без уключэння ў Дзяржаўны рэестр лічыцца незаконнай.

Мэтай выкарыстання звестак, уключаных у дзяржаўныя рэестры распаўсюднікаў прадукцыі СМІ (у адпаведнасці з Інструкцыяй “Аб некаторых пытаннях дзяржаўнага рэгулявання дзейнасці распаўсюднікаў прадукцыі друкаваных, тэлевізійных і радыёвяшчальных сродкаў масавай інфармацыі”) называюць “улік распаўсюднікаў і ацэнку іх дзейнасці”, што сведчыць пра ўзмацненне дзяржаўнага кантролю за сферай звароту інфармацыі.

Патрабаванне рэгістрацыі ў якасці распаўсюдніка друкаваных СМІ ўтрымлівае ў сабе шэраг пагроз. Так, практыка вядзення Дзяржаўнага рэестра кнігараспаўсюднікаў паказвае, што Міністэрства інфармацыі можа з самых розных нагодаў адмаўляць у рэгістрацыі. У Рэестр распаўсюднікаў могуць уключацца толькі юрыдычныя асобы і індывідуальныя прадпрымальнікі. Таму існуе пагроза, што людзей, якія распаўсюджваюць друкаваныя выданні на некамерцыйнай аснове, будуць прыцягваць да адказнасці за незаконны распаўсюд прадукцыі СМІ ў адпаведнасці з артыкулам 22.9 Кодэкса аб адміністрацыйных правапарушэннях.

Акрамя таго, пасля ўнясення паправак у артыкул 17 закона “Аб СМІ” Міністэрства інфармацыі атрымала права выносіць пісьмовыя папярэджанні распаўсюднікам прадукцыі СМІ і прымаць рашэнне пра выключэнне іх з Рэестру. Выключэнне з Рэестру (відавочнае абмежаванне права на распаўсюд інфармацыі) ажыццяўляецца ў пазасудовым парадку і на невыразна сфармуляваных падставах.

Распаўсюднік можа быць выключаны з Рэестру як у выпадку вынясення яму Міністэрствам інфармацыі двух і больш пісьмовых папярэджанняў на працягу года, так і ў выпадку аднаразовага распаўсюду інфармацыйных паведамленняў і (або) матэрыялаў, забароненых для распаўсюду ў адпаведнасці з артыкулам 38 закона “Аб СМІ” (палажэнні якога сфармуляваныя неканкрэтна). Такім чынам, распаўсюднікаў прадукцыі СМІ фактычна прымушаюць адсочваць кантэнт медыя, што з'яўляецца схаванай формай цэнзуры.

Матэрыялы па тэме сюжэта

Мінінфармацыі не будзе прымушаць «Белсаюздрук» і «Белпошту» вяртаць «Борисовские новости» ў распаўсюд Навіны

Мінінфармацыі не будзе прымушаць «Белсаюздрук» і «Белпошту» вяртаць «Борисовские новости» ў распаўсюд

Пра гэта гаворыцца ў адказе намесніка міністра Аляксандра Карлюкевіча галоўнаму рэдактару «Борисовских новостей» Анатолю Букасу.

Навіны

«Новы Час» зноў не пусцілі ў распаўсюд

У чарговы раз кіраўніцтва РУП «Белсаюздрук» і РУП «Белпошта» адмовілі ў распраўсюдзе штотыднёвіка «Новы Час» праз сваю сетку.

“Белпошта” не адказвала на электронныя звароты праз збой у працы праграмнага модуля? Навіны

“Белпошта” не адказвала на электронныя звароты праз збой у працы праграмнага модуля?

Каб атрымаць адказ з РУП “Белпошта”, юрысту газеты “Борисовские новости” спатрэбілася больш за тры месяцы і давялося напісаць некалькіх зваротаў.

«Intex-press» не ўключылі ў падпісны каталог Навіны

«Intex-press» не ўключылі ў падпісны каталог

РУП «Белпошта» адмовілася ўключаць у падпісны каталог на II паўгоддзе 2016 года баранавіцкае незалежнае выданне «Intex-press».

 “Мінаблсаюздрук” усё ж не будзе распаўсюджваць “Борисовские новости” Навіны

“Мінаблсаюздрук” усё ж не будзе распаўсюджваць “Борисовские новости”

Як паведамляла служба маніторынгу ГА “БАЖ”, напрыканцы сакавіка юрыдычны кансультант газеты “Борисовские новости” Алег Мацкевіч звярнуўся да прадпрыемстваў “Белпошта” і “Мінаблсаюздрук” з пытаннем пра аднаўленне супрацоўніцтва з выданнем у другім паўгоддзі 2016 г.

Навіны

«Борисовские новости» звяртаюцца ў “Мінаблсаюздрук”

Недзяржаўная газета “Борисовские новости” даслала ў “Мінаблсаюздрук” пакет дакументаў, неабходных для заключэння дамовы на распаўсюд выдання.

“Газеце Слонімскай” зноў адмовілі ў падпісцы і распаўсюдзе. Навіны

“Газеце Слонімскай” зноў адмовілі ў падпісцы і распаўсюдзе. Адказы — як пад капірку

Днямі галоўны рэдактар “Газеты Слонімскай” і “Отдушины” Віктар Валадашчук атрымаў чарговыя адмовы на свае звароты ў РУП “Белпошта” і ГРУП “Белсаюздрук” аб уключэнні слонімскіх недзяржаўных выданняў у падпісны каталог “Белпошты” і сістэму распаўсюду праз кіёскі “Саюздруку” на другое паўгоддзе 2016 года.  

Падпіска і продаж газет у кіёсках: можа, паспрабаваць зноў?  Навіны

Падпіска і продаж газет у кіёсках: можа, паспрабаваць зноў?

Юрыдычны кансультант газеты “Борисовские новости” Алег Мацкевіч напрыканцы сакавіка звярнуўся да прадпрыемстваў “Белпошта” і “Мінаблсаюздрук” з пытаннем пра аднаўленне супрацоўніцтва з выданнем у другім паўгоддзі 2016 г.

Акцэнты

Каму належыць радыёэфір? Самыя папулярныя радыёстанцыі Мінска

Паводле статыстыкі, 62% беларусаў перыядычна слухаюць радыё, а кожны чацвёрты робіць гэта штодня як мінімум на працягу гадзіны.

Навіны

Барыса Хамайду прымусілі пакінуць традыцыйнае месца распаўсюду незалежных СМІ ў Віцебску

На ганку крамы “Веста” на вуліцы Леніна віцябляне цягам ужо не аднаго дзясятка гадоў звыкліся бачыць распаўсюдніка незалежных СМІ. Цяпер на гэтым месцы зрабілі пандус.

Навіны

Прымусовая падпіска ў Крычаве

“Арганізаваць падпіску на кантралюемыя перыядычныя выданні на 1 паўгоддзе 2016 года да 10 снежня 2015 г.” прадпісвае адміністрацыя ААТ “Крычаўцэменташыфер” начальнікам падраздзяленняў.

Навіны

Магілёўскія праваабаронцы паведамляюць пра прымусовую падпіску на дзяржаўныя выданні

На магілёўскіх заводах працаўнікам настойліва раяць падпісацца на мясцовую дзяржаўную прэсу, паведамляе праваабарончы рэсурс mahilyowspring.org.

Акцэнты

Незалежныя СМІ: без права распаўсюду

Больш як 10 гадоў незалежныя сродкі масавай інфармацыі спрабуюць адстаяць сваё права на свабодны распаўсюд. На жаль, пакуль безвынікова. Хаця для таго, каб газета трапіла ў шапікі «Белсаюздруку» альбо у падпісны каталог «Белпошты», не трэба змяняць заканадаўства, не патрэбны тут і дадатковыя фінансавыя выдаткі. Усе памкненні незалежных выданняў упіраюцца ў штучна створаны «беларускі» тупік.

Навіны

Падпіска «з мэтай забеспячэння праўдзівага інфармавання грамадзян» (копія дакумента)

Да журналістаў “Еўрарадыё” трапіў дакумент, у якім адміністрацыя Ленінскага раёна Мінска просіць кіраўнікоў арганізацый падпісацца на шэраг дзяржаўных выданняў і адсправаздачыцца па выніках.

Навіны

“Борисовским новостям” зноў адмовілі ў распаўсюдзе праз сістэмы “Белпошта” і “Мінаблсаюздрук”

Прадпрыемствы-манапалісты не жадаюць заключаць дамоваў з выданнем, спасылаючыся на арт. 391 Грамадзянскага кодэксу, які надае юрыдычным і фізічным асобам свабоду ў заключэнні дамоваў.

Прымусовая падпіска ў школах: пакуль бацькі не заявяць адкрыта, праблема застанецца

Усё часцей у Беларусі гучаць скаргі на тое, што школы абавязваюць за грошы бацькоў падпісацца на “Настаўніцкую газету”, “Вясёлку”, “Зорьку”, “Юный спасатель”. Днямі ліст з гэткай скаргай атрымала і ГА “Беларуская асацыяцыя журналістаў”.

нумар газеты “Новы Час” Навіны

"Новаму Часу" зноў адмовілі ў распаўсюдзе выдання праз "Белсаюздрук" (Дадалася копія дакумента)

Кіраўніцтва РУП “Белсаюздрук” не мае магчымасці для распаўсюду “Новага Часу” праз сваю сетку і абяцае вярнуцца да гэтага пытання напрыканцы года, – гаворыцца ў адказе прадпрыемства выданню.

Навіны

Мінэканомікі бароніць «Белпошту»

Дэпартамент цэнавай палітыкі Міністэрства эканомікі не знайшоў парушэнняў антыманапольнага заканадаўства ў дзеяннях РУП «Белпошта», якое адмаўляецца заключаць дамову з незалежным выданнем «Intex-press».

Акцэнты

Падпіска: юрысты спрачаюцца з “Белпоштай” і Мінэканомікі

Як можна аказаць паслугу “прыём падпіскі” без уключэння выдання ў падпісны каталог? 

Навіны

«Брэстаблсаюздрук» ізноў адмовіў баранавіцкай газеце ў распаўсюдзе

ТАА «Выдавецкая дом «Інтэкс-прэс» у чарговы раз звярнулася ва УП «Брэстаблсаюздрук» з просьбай пра распаўсюд праз дзяржаўную сістэму продажу папулярнай баранавіцкай газеты «Intex-press».

Акцэнты

Дзесяць год без права распаўсюду (Копіі дакументаў, табліца)

Амаль 10 гадоў таму, напярэдадні прэзідэнцкай выбарчай кампаніі, шэраг незалежных грамадска-палітычных газет выкінулі з дзяржаўнай сістэмы распаўсюду.

Акцэнты

Рэдактары: “Рэестр Мінінфармацыі можа пагоршыць і без таго несалодкае жыццё недзяржаўных СМІ”

Паводле пастановы Мінінфармацыі ад 17 красавіка, да 1 ліпеня распаўсюднікам друкаваных, тэлевізійных і радыёвяшчальных СМІ належыць прадаставіць звесткі пра сябе ў Міністэрства інфармацыі для ўключэння ў адпаведныя Дзяржаўныя рэестры.

Экспертыза і каментары

Новые требования к распространению продукции печатных СМІ

Анализ и рекомендации.

Акцэнты

Андрэй Бастунец: Распаўсюднікаў СМІ фактычна прымушаюць адсочваць кантэнт медыя

Старшыня ГА “БАЖ”, юрыст Андрэй Бастунец прааналізаваў пастанову Мінінфармацыі «Аб некаторых пытаннях дзяржаўнага рэгулявання дзейнасці распаўсюднікаў друкаваных, тэлевізійных і радыёвяшчальных СМІ», а таксама падрыхтаваў шэраг рэкамендацый рэдакцыям.

Навіны

«Белпошта» адмаўляецца распаўсюджваць недзяржаўныя СМІ. Нават насуперак уласнай выгадзе (Дакумент)

Рэдакцыя "Intex-press" (г. Баранавічы) зноў атрымала ад РУП "Белпошта" адмову на просьбу ўключыць газету ў падпісны каталог.

Навіны

Рэестры распаўсюднікаў: да 1 ліпеня – падаць заяву ў Мінінфармацыі

Распаўсюднікам прадукцыі друкаваных, тэлевізійных і радыёвяшчальных СМІ належыць да 1 ліпеня прадаставіць звесткі пра сябе ў Міністэрства інфармацыі для ўключэння ў адпаведныя Дзяржаўныя рэестры.

Навіны

“Белпошта” і “Белсаюздрук” зноў адмовілі “Газеце Слонімскай” (ДАКУМЕНТЫ)

Абодва прадпрыемствы-манапалісты, спасылаючыся на розныя прычыны, напісалі, што не будуць займацца распаўсюдам недзяржаўнага выдання “Газета Слонімская” і яго дадатку “Отдушина”.

Навіны

«Борисовские новости» зноў зніклі з падпісных каталогаў (+Копіі дакументаў)

Выданне, выкінутае з падпіскі на працягу 8-і гадоў і вернутае ў каталогі ўлетку 2013 года, пратрымалася ў іх менш за 5 месяцаў.

Акцэнты

Праз 8 гадоў недзяржаўную газету вярнулі ў падпісныя каталогі. Ці надоўга?

З 1 чэрвеня 2013 года на рэгіянальную газету «Борисовские новости» зноў можна падпісацца ў аддзяленнях «Белпошты» Мінскай вобласці. Разам з тым, мясцовыя ідэолагі робяць усё магчымае, каб людзі пра гэта не даведаліся.