1576

Пасля прэс-канферэнцыі Зайдэса затрымалі журналістаў Кацярыну Андрэеву і Сяргея Кавалёва

20.07.2018 Крыніца: ІІ, belsat.eu Сюжэт: Затрыманні журналістаў

Журналістку «Белсату» Кацярыну Андрэева і аператара Сяргея Кавалёва затрымалі ў Курапатах.

https://baj.by/sites/default/files/event/preview/1-660x440.png

Кацярына Андрэева і Сяргей Кавалёў вялі стрым з прэс-канферэнцыі Зайдэса, а потым размаўлялі з актывістам, што ўсталёўваюць крыжы ў Курапатах.

Ужо калі Андрэева і Кавалёў сыходзілі, да іх на запраўцы падышлі міліцыянты – Сяргей Кніга і Андрэй Пуцята. Яны запрасілі журналістку і аператара праехаць з імі ў Бараўлянскі аддзел міліцыі УУС Менаблвыканкаму, каб там скласці пратакол паводле арт. 22.9 КоАП (незаконны выраб і распаўсюд прадукцыі медыяў).

Кацярына Андрэева прапанавала скласці пратаколы на месцы, аднак праваахоўнікі адмовіліся і пасадзілі журналістаў у міліцэйскую машыну.

У аддзяленні міліцыі ў журналістаў узялі тлумачэнні і паведамілі, што наконт іх працы ў Курапатах будзе праведзена праверка. Прыкладна праз гадзіну журналістаў вызвалілі.

Самыя важныя навіны і матэрыялы ў нашым Тэлеграм-канале — падпісвайцеся!