1901

«Парадоксы медиа». Эдуард Мельнікаў выдаў кнігу пра сучасныя СМІ

04.05.2016 Крыніца: Барыс Гарэцкі, прэс-служба ГА "БАЖ"

«Асновы медыяпісьменнасці. Проста пра складанае», — так можна ахарактарызаваць гэту кнігу некалькімі словамі, — кажа сябра ГА “БАЖ”, прафесар Еўрапейскага гуманітарнага універсітэта Эдуард Мельнікаў.

— Хоць медыя нас атачаюць штодня, мала хто ведае праўду пра іх працу. Якая прырода інфармацыі, якія тут могуць быць парадоксы, цікавосткі, па якіх законах функцыянуюць медыя — пра ўсё гэта я напісаў у папулярнай форме, даступнай для студэнтаў і нават старшакласнікаў. Асноўная мэта выдання, якое можа выступаць і падручнікам у праектах медыяадукацыі, — гэта ўсведамленне сапраўднай ролі СМІ ў грамадстве, — распавядае Мельнікаў.

Па словах аўтара, такія складаныя рэчы, як тэорыя інфармацыі, тэорыя масавых камунікацый у выданні пададзеныя на вельмі красамоўных і лёгкіх для разумення прыкладах.

— Гэта матрыца, на падмурку якой дзейнічаюць усе медыя. І я са здзіўленнем заўважаю, што пра гэту матрыцу, пра сутнасць інфармацыі часам не вельмі разумеюць нават самі журналісты, не кажучы ўжо пра масавую аўдыторыю. Таму ў маёй кнізе сабраны і даступна патлумачаны галоўныя паняцці пра інфармацыю, яе крыніцы, вастрыню, навізну, даступнасць.

Таксама ў кнізе я тлумачу, чаму ўлады ва ўсім свеце так ці інакш рэагуюць на інфармацыю. Тое, што ўлады схільныя заціскаць інфармацыю — гэта амаль прыродная з’ява. Проста ў цывілізаваных краінах праблему разумеюць і будуюць у адпаведнасці з гэтым заканадаўчыя абароны і перасцярогі, — распавядае Эдуард Мельнікаў.

Кніга “Парадоксы медиа” выйшла ў вільнюскім выдавецтве “Артефактас”. Набыць яе ў Мінску можна ў кнігарні “ЛогвінаЎ” на праспекце Незалежнасці 37А.

Выданне кнігі супала з Сусветным днём свабоды прэсы, які адзначаецца 3 мая.

Як свабода слова змяняе жыццё...

Віцебскія бажаўцы пасадзілі кветкі на “Алеі вольнай прэсы” (+ шмат фота)

ГА “БАЖ” павіншавала дзяржаўныя міністэрствы з Сусветным днём свабоды прэсы

Самыя важныя навіны і матэрыялы ў нашым Тэлеграм-канале — падпісвайцеся!