258

Памёр журналіст, пісьменнік Канстанцін Севярынец

01.10.2021 Крыніца: "Радыё Свабода"

У Віцебску памёр пісьменьнік і журналіст Канстанцін Севярынец, бацька палітвязьня Паўла Севярынца.

Апошнія дні Канстанцін Севярынец знаходзіўся ў рэанімацыі з прычыны праблемы з сэрцам, якая абвастрылася на фоне каранавірусу.

Канстанцін Севярынец скончыў факультэт журналістыкі, у савецкія часы працаваў карэспандэнтам БелТА, ён — аўтар кніг вершаў. Браў актыўны ўдзел у грамадзкім жыцьці Віцебшчыны.

Пахаваньне адбудзецца на радзіме пісьменьніка ў Рэчыцы, на беразе Дняпра — такое, паводле блізкіх, было жаданьне самога Канстанціна Севярынца.

Пакуль невядома, ці адпусьцяць на пахаваньне Паўла Севярынца, які цяпер адбывае пакараньне ў калёніі ў Шклове.

***

Беларуская асацыяцыя журналістаў выказвае спачуванні родным, сябрам і калегам спадара Канстанціна.

Самыя важныя навіны і матэрыялы ў нашым Тэлеграм-канале — падпісвайцеся!