НЕ - ВАЙНЕ!
2271

Памёр заснавальнік і галоўны рэдактар «Аўтарадыё»

25.09.2016 Крыніца: Прэс-служба ГА "Беларуская асацыяцыя журналістаў"

На 54 годзе жыцця 24 верасня памёр заснавальнік і галоўны рэдактар «Аўтарадыё» Юрый Базан, паведамілі TUT.BY ягоныя сваякі.

«Ён быў сапраўдным прафесіяналам, спецыялістам з вялікай літары. Ён мог падняць настрой кожнаму, яго ўсмешка ніколі не знікала. Заўсёды іскрысты, жыццярадасны і ўпэўнены ў сабе, наш Юрый Базан. Нам усім будзе вельмі неставаць яго. Іншага такога чалавека ў свеце больш няма. Ён да канца жыцця застанецца ў нашай памяці як узор стойкасці, справядлівасці, актыўнасці і прафесіяналізму!» — гаворыцца ў лісце.

«Аўтарадыё-Мінск» — першая радыёстанцыя ў Беларусі, якая пачала вяшчанне пасля распаду СССР. З 1992 года і да 20 студзеня 1995 года станцыя працавала толькі на частаце 67,7 УК хваляў. У 2001 годзе была афіцыйна запушчана паралельная частата 105.1 FM.

У 2011 годзе «Аўтарадыё» прыбралі з эфіру. Адной з падстаў для спынення вяшчання стала папярэджанне, вынесенае Мінінфармам 10 студзеня. Згодна з афіцыйнай фармулёўкай, прычынай папярэджання і спынення вяшчання «Аўтарадыё» стала распаўсюджванне ў эфіры радыёстанцыі інфармацыі, якая «ўтрымлівае публічныя заклікі да экстрэмісцкай дзейнасці». Менавіта так чыноўнікі расцанілі фразу кандыдата ў прэзідэнты на выбарах-2010 Андрэя Саннікава ў рэкламным роліку пра тое, што «лёс краіны вырашаецца не на кухні, а на плошчы». Рашэнне аб закрыцці аспрэчвалася ва ўсіх інстанцыях, але засталося ў сіле.

ГА "БАЖ" выказвае спачуванні сваякам і блізкім Юрыя Базана.

5 гадоў таму зь беларускага FM-эфіру зьнікла «Аўтарадыё»

Самыя важныя навіны і матэрыялы ў нашым Тэлеграм-канале — падпісвайцеся!