6 лютага ў эканамічным судзе Мінскай вобласці адбылося падрыхтоўчае паседжанне па іску ПГУП “Аида-торг” да аўтара артыкула “Медработник колледжа: будущих медиков в Борисове кормят дорого и некачественно” Паўла Сляпухіна аб абароне дзелавой рэпутацыі.
Паседжанне праводзіла суддзя Шарынская А. М.
Пасля ўстанаўлення яўкі бакоў, тлумачэння іх праў і абавязкаў суд выслухаў пазіцыі прадстаўнікоў істца і адказчыка, іх пытанні адзін аднаму.
З боку Паўла Сляпухіна суду было заяўлена хадайніцтва аб забеспячэнні доказаў і выкліку сведак па справе. Хадайніцтва была дапоўнена прадстаўнікамі істца ў частцы выпатрабавання ў сведак дадатковых дакументаў.
Новае судовае паседжанне па справе прызначана на 17 сакавіка 2017 года.