187

Назіральнікам сарвалі выступ перад прэсай аб выніках выбараў

10.08.2020 Крыніца: Svaboda.org Сюжэт: Доступ да інфармацыі

Ахова менскага заводу «Гарызонт» не дала праваабаронцам, якія назіралі за выбарамі, правесьці прэсавую канфэрэнцыю аб выніках кампаніі.

Імпрэзу плянавалі на 11-ю гадзіну ў памяшканьні, якое арандуе менскі «Прэс-клюб» у адміністрацыйным будынку аб’яднаньня «Гарызонт».

Але ахова будынку запатрабавала ад арганізатараў сьпіс удзельнікаў і журналістаў, хоць папярэдне такія ўмовы не выстаўлялі. У выніку ніхто зь іх ня змог патрапіць у будынак.

Старшыня «Вясны» Алесь Бяляцкі заявіў Свабодзе, што праваабаронцы правядуць сустрэчу з прэсай пазьней у іншым памяшканьні: «Пойдзем у ПЭН-цэнтар».

Самыя важныя навіны і матэрыялы ў нашым Тэлеграм-канале — падпісвайцеся!