316 0

Намеснік старшыні Вярхоўнага суда анансаваў пакаранне для «Белгазеты» за словы Міхаіла Пастухова

06.12.2018 Крыніца: "Наша Ніва" Сюжэт: Папярэджанні СМІ і журналістам

Першы намеснік старшыні Вярхоўнага суда Валерый Калінковіч анансаваў пакаранне для «Белгазеты».

«Пра што казаць, калі нават адзін абазнаны і заслужаны юрыст у адной газеце напісаў, што «толькі некаторыя суддзі ў нас вырашаліся праявіць прынцыповасць і не ісці на змову з пракурорам». Дарэчы, думаю, што са згаданай публікацыяй мы паступім у вызначаным законам парадку», — заявіў ён.

Цытата, згаданая Калінковічам падчас круглага стала ў «СБ. Беларусь сёння», належыць былому суддзі Канстытуцыйнага суда Міхаілу Пастухову. Яна была апублікаваная ў «Белгазеце».