836

На журналістаў «Белсата» склалі пратаколы, забралі тэлефон на экспертызу

17.06.2020 Крыніца: Прэс-служба ГА "Беларуская асацыяцыя журналістаў"

Пасля сустрэчы з Віктарам Бабарыкам у Салігорску міліцыя затрымала журналістаў тэлеканала “Белсат” Аляксандра Баразенку і Галіну Абакунчык.

Міліцыя блакавала журналістаў на выездзе з горада. Яны паспелі паведаміць, што на выездзе з гораду іх пераследваў мікрааўтобус на транзітных нумарах. Пасля машыну спыніла ДАІ.

Журналістаў затрымліваў маёр Алег Шалоха. Цяпер іх вязуць у аддзяленне ўнутраных спраў для складання пратакола за працу без акрэдытацыі.

22:00. Аляксандра Баразенку вызвалілі. Склалі пратакол за працу без акрэдытацыі і забралі тэлефон на экспертызу. 

0:00. Стала вядома, што Галіна Абакунчык таксама на волі.

Нагадаем, што тэлеканал “Белсат” шмат разоў звяртаўся ў Міністэрства замежных спраў Беларусі па акрэдытацыю, але ўвесь час атрымлівае адмовы.

Рэпрэсіі супраць журналістаў у Беларусі ў 2020 годзе (табліца, абнаўляецца)

Штрафы журналістам па арт. 22.9 КаАП (табліца) АБНАЎЛЯЕЦЦА

Самыя важныя навіны і матэрыялы ў нашым Тэлеграм-канале — падпісвайцеся!