280

На волю выйшлі журналісты "Радыё Свабода" і "Белсата"

26.07.2021 Крыніца: Прэс-служба ГА "Беларуская асацыяцыя журналістаў"

Сёння з ізалятара часовага ўтрымання выйшлі Інэса Студзінская, Алег Грудздзіловіч і Ігар Ільяш. Яны знаходзіліся за кратамі з 16 ліпеня, былі прызнаныя палітзняволенымі.

Інэса Студзінская некалькі дзён трымала галадоўку ў ізалятары на Акрэсьціна. 

Таксама выпусцілі журналіста "Радыё Свабода" Алега Груздзіловіча.

Груздзіловіч, Студзінская і Дашчынскі шмат гадоў працавалі на "Радыё Свабода", аднак у 2020-м МЗС Беларусі пазбавіў іх акрэдытацыі.

Алесь Дашчынскі выйшаў на волю ў пятніцу, 23 ліпеня, знаходзіцца пад падпіскай аб нявыездзе і яўцы.

Таксама на волю выйшаў журналіст «Белсата» Ігар Ільяш.

За кратамі застаюцца 27 супрацоўнікаў медыясферы.

Самыя важныя навіны і матэрыялы ў нашым Тэлеграм-канале — падпісвайцеся!