Днём 18 студзеня на сайт ГА “Беларуская асацыяцыя журналістаў” невядомыя хакеры правялі моцную DoS-атаку. Вечарам 18 студзеня сайт не працаваў. Цяпер праграмісты вырашылі праблему. Але атака на сайт працягваецца.
З невядомых ip-адрасоў на сайт масава дасылаліся памылковыя запыты, у выніку чаго сервернае абсталяванне пачало не вытрымліваць нагрузку. Працу сайта ўдалося аднавіць, прымусова закрыўшы некаторыя формы зваротнай сувязі на сайце.
ГА “Беларуская асацыяцыя журналістаў” прыносіць чытачам прабачэнні за ўзніклыя нязручнасці і разглядае магчымасць звароту ў праваахоўныя органы ў выпадку паўтарэння нападу.