НЕ - ВАЙНЕ!
306

MOST — першы год. Рэдакцыя падводзіць вынікі года

20.01.2023 Крыніца: MOST

MOST — гэта каманда беларускіх журналістаў у вымушанай эміграцыі. "Мы стварылі медыя ў пачатку 2022 года, каб аб’яднаць беларусаў Беластока і стаць інфармацыйным мостам паміж Беларуссю і Польшчай", — піша рэдакцыя. 

"За год мы выпусцілі некалькі сотняў тэкстаў і дзясяткі відэаінтэрв'ю. Расказвалі пра палітычных вязняў, беларускіх добраахвотнікаў ва Украіне і пра жыццё беларусаў у Польшчы. Таксама мы падрыхтавалі дзясяткі гайдаў, якія дапамагаюць адаптавацца да жыцця ў Польшчы", — зазначаюць журналісты выдання.

Год рэдакцыя працавала над развіццём пляцоўкі MediaPortBelarus, якую стварылі для беларускіх журналістаў у Беластоку.

"За гэты перыяд пляцоўка стала домам не толькі для прадстаўнікоў медыя, але і для многіх беларускіх актывістаў і дзеячаў. У каворкінгу адбываліся культурныя і адукацыйныя мерапрыемствы, праходзілі дыскусіі і паказы фільмаў", — ганарацца ў рэдакцыі.

У канцы 2022 года MOST запусціў Медыяшколу, каб дапамагчы беларусам зрабіць першыя крокі ў журналістыцы.

Чытайце яшчэ: 

Асуджаныя на працяглыя тэрміны белапанаўцы цяпер яшчэ і ў спісе “экстрэмістаў”

Кого считают журналистом в Литве и какие права дает статус? Отвечают эксперты

“Дзеля свабоды выказвання меркаванняў і перакананняў”. Кваліфікацыйны іспыт на “лаяльнасць” ад Мінінфармацыі

Самыя важныя навіны і матэрыялы ў нашым Тэлеграм-канале — падпісвайцеся!