2125

Мінінфарм зарэгістраваў “Логвінава” ў рэестры распаўсюднікаў друкаваных выданняў

25.03.2015 Крыніца: Прэс-служба ГА "Беларуская асацыяцыя журналістаў"

Міністэрства інфармацыі Беларусі зарэгістравала прыватнае прадпрыемства “Логвінаў” у Дзяржаўным рэестры выдаўцоў, вытворцаў і распаўсюднікаў друкаваных выданняў.

Нагадаем, што менавіта адсутнасць такой рэгістрацыі і стала падставай для пакарання амаль у мільярд беларускіх рублёў, якое суд пастанавіў спагнаць з прадпрымальніка напрыканцы мінулага года.

Да гэтага прадпрыемства “Логвінаў” шмат разоў звярталася ў Міністэрства інфармацыі з дакументамі на рэгістрацыю ў рэестры, але ўвесь час атрымлівала адмовы.

Пасля судовага пакарання па ранейшым адрасе (пр-т Незалежнасці 37А) па дамоўленасці пачала працаваць іншая юрыдычная асоба. Аднак цяпер, па словах Ігара Логвінава, ён будзе вяртаць бізнэс у ранейшыя рамкі.

– На балансе “Логвінава” засталося вельмі шмат непрададзеных кніг. Таму, думаю, мы будзем вяртаць кнігарню у ранейшыя рамкі ў межах нашага прадпрыемства, – распавёў Ігар Логвінаў прэс-службе ГА “Беларуская асацыяцыя журналістаў”.

Самыя важныя навіны і матэрыялы ў нашым Тэлеграм-канале — падпісвайцеся!