521

Мінінфарм зарэгістраваў Kraj.by у якасці сецевага выдання

07.06.2019 Крыніца: Прэс-служба ГА "Беларуская асацыяцыя журналістаў"

Міністэрства інфармацыі зарэгістравала грамадска-палітычны рэгіянальны партал Kraj.by у якасці сецевага выдання. Рашэнне пра гэта было прынята 7 чэрвеня.

Да гэтага Мінінфарм накіроўваў дакументы выдання на дапрацоўку.

Нагадаем, са снежня мінулага года інфармацыйныя сайты ў Беларусі могуць быць зарэгістраваныя ў якасці сецевых выданняў. Але ўмовы для рэгістрацыі настолькі ж складаныя, як і для друкаванай прэсы.

У гэтым годзе Мінінфарм ужо зарэгістраваў 10 дзяржаўных і 3 недзяржаўныя медыя ў якасці сецевых выданняў.