2144

“Лёгкія цялесныя”. Збіты журналіст атрымаў вынікі экспертызы

29.01.2016 Крыніца: Прэс-служба ГА "Беларуская асацыяцыя журналістаў" Сюжэт: Затрыманні журналістаў

29 студзеня збіты пры выкананні прафесійных абавязкаў журналіст TUT.by Павел Дабравольскі атрымаў вынікі медыцынскага асведчання – у яго зафіксаваныя лёгкія цялесныя пашкоджанні, паведамляе naviny.by.

“У Паўла Дабравольскага, у прыватнасці, зафіксаваныя крывападцёкі і драпіны на твары, плячы, тулаве. Дадзеныя пашкоджанні былі атрыманыя ад дзеянняў тупога цвёрдага прадмета (прадметаў) і маюць даўнасць каля адных сутак ад моманту агляду”, – цытуе заключэнне naviny.by.

29 студзеня таксама адбылася паўторная сустрэча журналіста з прадстаўніком Следчага камітэта Сямёнам Піцко, які разглядае яго заяву аб збіцці. Па просьбе следчага Дабравольскі перадасць яму парваную ў часе інцыдэнту вопратку.

Нагадаем, што 26 студзеня Праўленне ГА “БАЖ” таксама звярнулася ў Следчы камітэт з заявай з нагоды збіцця, патрабуючы высветліць нападнікаў і ўзбудзіць у дачыненні да іх крымінальную справу.

Самыя важныя навіны і матэрыялы ў нашым Тэлеграм-канале — падпісвайцеся!