350

«Лукашэнка спрабуе дэманізаваць незалежныя СМІ». Заява кіраўніцтва Радыё Свабодная Эўропа/Радыё Свабода

23.07.2020 Крыніца: Svaboda.org

Аляксандар Лукашэнка шукае падставы, каб выдварыць журналістаў Радыё Свабода зь Беларусі, заявіла выканаўца абавязкаў прэзыдэнта Радыё Свабодная Эўропа/Радыё Свабода Дэйзі Сындэлар.

Гэткім чынам Дэйзі Сындэлар адрэагавала на сёньняшняе выказваньне Аляксандра Лукашэнкі, у якім ён заклікаў міністра замежных спраў Уладзімера Макея «выдвараць з краіны» журналістаў, якія нібыта «заклікаюць да масавых беспарадкаў».

«Радыё Свабодная Эўропа/Радыё Свабода адмаўляе абуральнае абвінавачаньне, зробленае прэзыдэнтам Беларусі Аляксандрам Лукашэнкам, як магчымую падставу, каб спыніць нашу дзейнасьць за тое, што мы „заклікаем да беспарадкаў“, — сказала Дэйзі Сындэлар. — Радыё Свабода/Радыё Свабодная Эўропа ня робіць нічога падобнага — наадварот, нашы журналісты самі сталі ў апошнія дні ахвярамі неабгрунтаваных затрыманьняў міліцыяй і гвалту за тое, што проста выконвалі сваю працу».

Дэйзі Сындэлар дадала:

«Абвінавачаньне Лукашэнкі спрабуе дэманізаваць і сказіць ролю незалежных СМІ ў Беларусі, якія паведамляюць пра поўны спэктар падзей, зьвязаных з выбарамі прэзыдэнта 9 жніўня. Мы цьвёрда намераныя працягваць нашу важную працу для народу Беларусі і асуджаем выкарыстаньне афіцыйнымі асобамі неабдуманай рыторыкі і пагроз, якія ставяць пад удар нашых журналістаў».

"В рот руку засунули и челюсть оттянули, чтобы не кричал". В Беларуси журналисты требуют прекратить давление на СМИ ВИДЕО

Як сачылі за журналістамі Свабоды пасьля стрыму ад Цэнтравыбаркаму. Аўдыёзапіс радыёперамоваў

Самыя важныя навіны і матэрыялы ў нашым Тэлеграм-канале — падпісвайцеся!