458

Легендарнага глыбоцкага журналіста Змітра Лупача зноў хочуць пакараць

09.02.2021 Крыніца: Служба маніторынгу ГА "Беларуская асацыяцыя журналістаў"

Глыбоцкага журналіста-фрылансера Змітра Лупача выклікаюць у Пастаўскі раённы аддзел міліцыі. Спачатку яму патэлефанавалі, а пасля праз Viber даслалі позву. Ад журналіста патрабуюць явіцца ў пастарунак 10 лютага.

Супрацоўнік міліцыі, які тэлефанаваў Змітру, паведаміў, што распачатая адміністрацыйная справа за парушэнне заканадаўства аб СМІ паводле арт. 22.9 КаАП.

Падставай пераследу стаў відэафельетон Змітра Лупача, які выклаў на сваёй старонцы ў YouTube тэлеканал "Белсат". Сюжэт тычыўся тэмы талерантнасці. Пастаўская бібліятэка ладзіла дыспут на гэтую тэматыку і чакала ў госці мясцовую моладзь і студэнтаў, на сустрэчу прыйшлі таксама і мясцовыя грамадскія актывісты. Яны выказалі сваё меркаванне наконт падзей, што адбываюцца ў Беларусі, распавялі пра так званую талерантнасць уладаў да тых, хто прытрымліваецца іншых палітычных поглядаў. У сюжэце фігуравала і галоўны ідэолаг Паставаў Галіна Чаплінская.

Зміцер Лупач адзначае, што ў дачыненні да яго працягваецца кропкавы пераслед.

“Міліцыянты, відаць, хочуць такім чынам прымусіць мяне замаўчаць альбо дамагчыся таго, каб увогуле перастаў супрацоўнічаць з тэлеканалам “Белсат". Ці стварыць цяжкасці ў працы, як гэта было з калегамі з Магілёва”, — кажа журналіст.

Зміцер дапускае, што 10 студзеня пасля складання пратакола яго могуць адразу і судзіць. Падобнае ў дачыненні да яго міліцыя і суддзі ўжо прымянялі ў сваёй практыцы.

Зміцер Лупач аштрафаваны на вялікую суму за сюжэт пра Дразды

Зміцер Лупач троліць сістэму: аплачвае штраф па адным рублі і фатаграфуецца на фоне квітанцый

Журналіст-фрылансер Дзмітрый Лупач у Новы год з чарговым судом

Рэпрэсіі супраць журналістаў у 2021 годзе (табліца, спіс арыштаваных)

Самыя важныя навіны і матэрыялы ў нашым Тэлеграм-канале — падпісвайцеся!