234

Інтэрнэт-сайт магілёўскіх бажаўцаў змяніў свой адрас

09.10.2019 Крыніца: Служба маніторынгу ГА "Беларуская асацыяцыя журналістаў"

Сайт Магілёўскай суполкі ГА “Беларуская асацыяцыя журналістаў” зараз можна паглядзець у інтэрнэце па спасылцы http://mogilevpress.by.

Срок рэгістрацыі дамена mogilev.press, дзе раней размяшчаўся сайт, скончыўся, і магілёўскія бажаўцы вырашылі перайсці ў даменную зону by.

Па словах Юрыя Плоткіна, рэдактара сайта mogilevpress.by, зараз заканчваецца перанос інфармацыі на новы дамен.

Рашэнне стварыць уласны сайт сябры Магілёўскай суполкі ГА “БАЖ” прынялі на агульным сходзе ў Магілёве ў снежні 2018 года.

Ужо напрыканцы студзеня сайт магілёўскіх бажаўцаў запрацаваў паўнавартасна.

На сайце суполкі ўсе зацікаўленыя могуць атрымаць інфармацыю пра дзейнасць магілёўскіх бажаўцаў, пра мерапрыемствы, якія яны праводзяць, азнаёміцца з матэрыяламі з гісторыі суполкі, даведацца пра парадак уступлення ў ГА “Беларуская асацыяцыя журналістаў”.