Журналістаў і грамадскіх актывістаў, чыя сфера дзейнасці – свабода слова, можна намінаваць на гэтую прэмію.
Конкурс “Свабода слова” міжнароднай арганізацыі “Індэкс цэнзуры” (Index on Censorship Freedom of Expression Awards) узнагароджвае людзей, якія ў небяспечных і складаных умовах змагаюцца за свабоду слова.
Няўрадавыя арганізацыі і медыяарганізацыі могуць намінаваць кандыдатаў у чатырох катэгорыях:
- Прававая абарона,
- Грамадзянская актыўнасць у галіне лічбавай журналістыкі,
- Журналістыка,
- Мастацтва.
Пераможцы паедуць у Лондан у красавіку 2016 для ўдзелу ў цырымоніі ўзнагароджання.
Акрамя таго, яны змогуць навучацца па стыпендыяльнай праграме для працягу сваёй дзейнасці, накіраванай на паляпшэнне сітуацыі са свабодай слова.
Заяўкі прымаюцца да 19 кастрычніка.
Для атрымання дадатковай інфармацыі і заяўлення намінанта націсніце сюды.