303

Хочаш рабіць навіны разам з ARTE, DW і ZDF? Прыём заявак на ADAMI TANDEM (да 25 чэрвеня)

29.05.2019 Крыніца: Даслана арганізатарамі

Чакаем заяўкі ад тэлежурналістаў да 00:00 па тбілісскім часе 25 чэрвеня 2019 г. Прапановы-пераможцы будуць падрыхтаваныя аўтарамі сумесна з рэдакцыямі вяшчальнікаў з Еўрапейскага Звязу для трансляцыі на абодвух каналах – ва Усходняй і Заходняй Еўропе.

tandem1.pngПрэмія ADAMI Media Prize за культурніцкую разнастайнасць ва Усходняй Еўропе радая абвесціць вяшчальным кампаніям і тэлежурналістам з шасці краінаў Усходняга Партнёрства Еўразвязу пра пачатак збору заявак на ўдзел у нашай новай медыя-ініцыятыве – праграме ADAMI TANDEM.

ADAMI TANDEM дае ўнікальную мажлівасць журналістам, якія працуюць на тэлеканалах у краінах Усходняга Партнёрства, наладзіць сувязі з заходнееўрапейскімі тэлекампаніямі і сумесна, разам з калегамі з Еўразвязу, вырабляць навіны.

Журналісты, якія працуюць з тэмамі культурніцкай разнастайнасці для вяшчальнікаў ў краінах Усходняга Партнёрства (Арменіі, Азербайджане, Беларусі, Грузіі, Малдове і Украіне), могуць падаваць свае прапановы навінавых сюжэтаў, якія яны маюць намер вырабіць для транслявання ў сваёй краіне. Працягласць матэрыялаў павінна быць не больш за чатыры хвіліны. ADAMI аб'яднаецца з рэдакцыйнымі журналістамі чатырох заходніх тэлеканалаў, сярод якіх ARTE і Deutsche Welle, каб выбраць лепшыя прапановы.

Сярод тэлеканалаў, якія возьмуць удзел у ініцыятыве, нямецкія ZDF і SWR, франка-нямецкі культурніцкі канал ARTE і Deutsche Welle са сваёй праграмай «Фокус на Еўропе», якія накіраваныя на міжнародную аўдыторыю і транслююцца на некалькіх мовах.

Дэталі падачы заяўкі:

Зацікаўленыя кандыдаты маюць уключыць у свае заяўкі кароткі агляд прапанаванага праекту для ADAMI TANDEM, і CV кандыдата.

Прыём заявак адкрыты з 24 мая 2019 года.
Прыём заявак сканчаецца 25 чэрвеня 2019 года, у 00:00 па тбіліскім часе.

Для атрымання больш падрабязнай інфармацыі і рэгістрацыі на конкурс, калі ласка, наведайце наш сайт.

Форма падачы заяўкі даступная па спасылцы.

ADAMI TANDEM арганізуецца ў цеснай супрацы з праграмай партнёрства Еўрапейскага вяшчальнага звязу (EBU), Жэнева.

ADAMI Медыя Прыз фінансуецца Федэральным Міністэрствам замежных справаў Нямеччыны і ProCredit Holding.

Мы вельмі чакаем вашых заявак!