1540

“Гульня”. Фотасушка ў Гродне

26.10.2015 Крыніца: Служба маніторынгу ГА "БАЖ"

На фотасушцы ў Гродне прэзентавалі працы мясцовых журналістаў і фатографаў Андрэя Мялешкі, Аляксандра Саенкі, Яўгена Кантратовіча, Марка Харламава, Іллі Гілея, аб'яднаныя тэмай “Гульня”.

Аўтары паспрабавалі на міні-выставе паказаць розныя аспекты жыцця, звязаныя са словам “Гульня”: спартовыя, дзіцячыя, настольныя гульні, тэатр ды іншае. Выстава пабачыла свет дзякуючы ГА “Беларуская асацыяцыя журналістаў”.

– Гульня можа быць не толькі дома за камп’ютарам, а дзе заўгодна – на вуліцы ў парку, на спартовай пляцоўцы, у тэатры, кіно. Можна гуляць у настольны тэніс, у футбол, і не важна, дзеці гуляюць ці дарослыя, – распавядае Яўген Кандратовіч.

Гэтым разам фотасушка адбылася падчас фэсту настольных гульняў у моладзевым цэнтры “Галактыка”, аднак арганізатары плануюць зрабіць больш прадстаўнічую выставу па гэтай тэме ў 2016 годзе.

 

Самыя важныя навіны і матэрыялы ў нашым Тэлеграм-канале — падпісвайцеся!