358

Гродна: адбыліся масавыя затрыманні журналістаў

15.11.2020 Крыніца: Служба маніторынгу ГА "Беларуская асацыяцыя журналістаў"

У Гродне падчас мірнай вулічнай акцыі, прысвечанай ушанаванню памяці забітага менчука Рамана Бандарэнкі, былі затрыманыя як мінімум чатыры журналісты.

Фота: t.me/hrodnalife

Станам на вечар 15 лістапада вядома, што сярод затрыманых супрацоўнікамі сілавых органаў:

- вядомы гродзенскі фатограф Яўген Бузук,

- радыёвядоўца Сяргей Гадзяеў,

- галоўны рэдактар партала autogrodno.by Міхаіл Кунцэвіч,

- відэааператар-фрылансер Андрэй Ломаў, які супрацоўнічае з анлайн-выданнем Hrodna.Life.

Паводле розных крыніц інфармацыі, 15 лістапада ў Гродне былі затрыманыя агулам каля 60 чалавек. Іх утрымлівалі пераважна ў будынку Ленінскага РАУС г. Гродна. Частку з іх ужо адпусцілі, іншых перавезлі ў ізалятар часовага ўтрымання на вул. Гая і, паводле пэўнай інфармацыі, у СІЗА на вул. Кірава.

Бліжэйшымі днямі ў дачыненні большасьці з затрыманых маюць распачацца судовыя працэсы.

Самыя важныя навіны і матэрыялы ў нашым Тэлеграм-канале — падпісвайцеся!